TEMESHI LAISHIBA

YIHUDA   SHITI      OKILA Yihuda shiti ya tiyazü tesayurtem shirnoki pei sasa tamangertem ta sayu, parnok anema zülu. Iba Shiti ya Peteri züluba tanabuba shiti mesüktepa lir; idaki tamangertemi koba tamang Tsüngremi teti asoshi ken agütsüogo, iba tamang asoshi tongbang raratsü ajungshi.      Keta Alibatem Okila 1-2 Okila 1-2 Tiyazü tesayurtem taküm, aser parnok tesayubatem anema taitsüba 17-23 Tiyazü Tesayurtem 3-16 Tamang akanga sottsu ajungshiba     17-23 Tekümdangtsü aser Tajungshiba 17-23 Tatem sarasadem 24-25 Tatem sarasadem 24-25

YOHAN MEZÜNG SH1TI      OKILA  Mezüng Yohan shiti nung tongtibang  onük  ana lir: Tsüngrem aser pa Chir Yisu Khrista den telungjem nung alitsü, aser shirnoki iba telungjem raksatsütsü meranger, item tiyazü tesayurtem anema tekümdangtsü otem. Parnok tesayubaji: Alima den meyoktepa aliba jagi temenen menadaktsür, anungji Tsüngrem Chir Yisu Khristaji shitakba nisung ka masü. Item tesayurtemi sayubaji ya: Kümzüktsü asoshi iba lima taküm indang shisa bulua bilemba: nungi asenokji kenyongi pila-a alitsüla. Ano parnokisa ya sayur, oda tekümtetji pei adianu asoshi temeim akaba mesüra jaklaliro den kecha sentaktepa mali. Anungji iba tesayuba anema Yisu Khristaji shitakba nisung, aser shirnoki Yisu Khrista dak amanger aser Tsüngrem dang meimer parnoki kati ka den meimteptsüla ta zülu      Keta Alibatem.  Okila 1:1-4 Taküm O 1:1-4 Tesangwa aser Tammang 1:5-2:29 Tsüngremji Tesangwa 1:5-10 Khrista Asenok Teyarir 2:1-6 Temelaba Ozüng Tasen 2:7...

PETER MEZÜNG SHITI       OKILA  Mezüng Peter shitji amangbapurtem shir dang, "Tsüngremi shimtetba nüburtem" ta aja, aser shirnok Asia lima anüdoklentip ajak nung prokshia liasü, parnok dangi zülu. Shiti züluba nükjidongji, parnok tamang nung akanga alitsü, kechiaser iba mapang parnok pei tamang atema rishikangshi tia nung liasü. Anungji Yisu Khrista osangtajung, shiba tasüba shia aruba aser tanaben arutsü nangzükba agi pa dak amanger mulung nung teimla agütsür, iba indang shia zülu. Iba teimla nung parnoki rishikangshi aser timtemji aremzüktsü, ibai parnok tamang tendangba ka ta meteta kodang Yisu Khrista Anogoji arudir parnoki rema maoba sempet angutsü ta ajungshi.  Timtern mapang nung koda arernzüktsü ajungshiba den ano tezülur jagi tazüngertem ajak Khristanpur ka ama alitsü mepishi.       Keta Alibatem  Okila 1:1-2   Okila 1:1-2  Tsüngremer tekümtet indang lepshiba 1:3-12 Taküm Teimla 1:3-9 Ainkar Tamang 1:10-12 Tem...

YAKOB SHITI  OKILA  Yakob shit ya "alima ajonga nung prokshia aliba Tsüngremer nüburtem dangi” taküm nung ajangshiba indang shia zülu. Tezüluri o-entepba tapu balala jenti amshia Khristan taküm nung amshitsü aser taküm jaklalirotem indang zülu. Khristan tamang tsütsü nungi onük aika agiteta; takar aser sensaker, tatitang aruba, jakla tamajung, sensamasatsüba, tamang aser mapa, temeli amshiba, bangsentepba shisatsü, aser ajemaluba, tangar O bendangba, tiyaksangba, taremzük, aser sarasadem item indang teratet agütsü. Ajak dang tongtibangsa mapa aser tamang Khristan ka taküm nung koma angateta inyaktsü iba indang zülu.       Keta Alibatem Okila 1:1  Salem O 1:1 Tamang aser shisatsü 1:2-8  Tamang aser Shisatsü 1:2-8 Sensaker aser takar 1:9-11  Sensaker aser Takar 1:9-11 Tatitang aser tetendangba 1:12-18   Tatitang aser tetendangba 1:12-18 Angashiba aser inyakba 1:19-27 O Tangashir aser Teinyaker 1:19-27  Tejak ajia inyakba ane...

IBRI NUNGER DANGI SHITI       OKILA  Lendong timtem aser anema apusoba metizükteti pei Khristan tamang ang toktsüdi ta aliba Khristan telok ka dangi iba shiti ya zülu, Parnok dang Yisu Khristaji shitakba aser tatembangba Tsüngremer jungkai adokba lir ta ajungshi. Anungji iba atema tongtibang onük asem dak amendaker ibaji zülu:(l) Yisuji tatembang makaba Tsüngrem Chir, shibai timtem aremzükba ajanga Tebu dang tashi angatsü angazük. Yisu Tsüngrem Chir asünung Tejen Lai ainkartem, kotak tenyartem aser Mosa danga temaba. (2) Yisuji Tejen Lai putirtem dang nungia tatem makaba' temaba putir ta Tsüngremi sangdong. (3) Yisu ajanga tamangertemji temenen, tetsübu aser tasüba nungi kümzüker; Ibri nunger yimsü nung shiruru zü ajanga koba tekümtet angur ta amanga liasü, Yisu Temaba Putir ka ama tejangja tekumtetji pai agütsüogo.  Israel nunger otsü nung nungtugu tamang nokinketer kar (tapu 11), nung shisemba ajanga parnok dang pei tamang nung akanga noktaka alitsü ajung...

FILEMON DANGI PAUL SHITI       OKILA  Filemon ya Kolosi arogo nung Khristan tajung ka, aser par kidang alar ka tenüng agi Onesima liasü. Iba alar yagi pei kibur nungi jena ao aser kodakirnaka sür Paul tepuokdak alidang ajuru. Paul ajanga Onesima temulung meyipa Khristan tajung ka aküm. Anungji Pauli Filemon dang iba adianu atema tena kodaser angatetepa akümtsü aser tatok agütsütsü; oda Onesimaji tatok agütsüba alar ka ama dangbo masü, saka Khristan adianu ka ama agizüktsü atema iba sbiti zülu.       Keta Alibatem  Okila 1:1-3 Okila 1:1-3 Filemon nem tenüngsang agütsüba 1:4-7  Filemon Temeim aser Tamang 1:4-7 Onesima atema mepishitsüba 1:8-22 Pauli Onesima Asoshi Mepishitsüba 1:8-22 Tatem O 1:23-25 Tatem Salem 1:23-25

TITA DANGI PAUL SHITI       OKILA  Tita ya Bendanger rongnungi temulung meyipa Khristan ka, shibai tenyaba mapa nung Paul den külemi tenzüka aser yaritepa liasü Kreta arogo achaayangtsü aser idakji aliba amangbapurtem dang tenzüktsü Tita nem nunglokja aliba mapang Pauli iba shiti zülu. Iba shiti nung tongtibang tebilemtsü onük asem lir.  Mezüngbuba nung, kodaser Kreta nung aliba amangbapurtem rongnung Jakla tamajungtem anema arogo nung tenzüker aser lenir ka ama yimya tajung sayutsü, iba indang Tita nem bilemtetdaktsü. Tanabuba nung arogo nung telok balala tambur, tantsür, lanur aser alar, item ajak dang Titai koma sayutsü, aser tatemsa Khristan tajung ka, ama ajak den yimjung aser tembar küma aliba agi tesempatep, telemsa nungi arogoji kümzüka litet iba indang tajungshiba agüja zülu.        Keta Alibatem Okila 1:1-4 Okila 1:1-4 Arogo nung ketdangsürtem 1:5-16 Kreta Nung Tita Mapa 1:5-16 Arogo nung telok balala teinyaktsütem 2:1-15...

TIMOTI  DANGI PAUL MEZÜNG SHITI       OKILA  Asangur Timoti tetsü Yihudatsür aser tebu Grik nunger liasü. Tenyaba mapa nung Paul den kanga dang anasatiba teyarir ka ama aser medemer ka ama liasü. Pauli iba shiti nung tongtibang onük asem atema Timoti dangi zülu. Mezüngbuba nung iba shiti ya arogo nung tiyazü tesayurtem aser parnok tesayubatem anema zülu. Ibaji Yihuda nunger aser Bendanger anaprongla tai tesayuba nung ajemdaker; iba alima ya temenen agi dang sunga dang ali nung, tekümtet angutsü asoshi mim shisatsü kar bushiba aser chiyungtsü ajakbo machitsüla aser tekülem indang, arogo nung ketdangpurtem dak kobala sempettem akatsüla; teyaritepertem dang kechi yimya alitsüla item ajak indang rasa-a zülu. Tatemsa Timoti dang YISU Khrista tenzüker tajung ka ama pa nem nungloktsüba mapatem ajanga arogo nung telok balala den inyaktsü iba indang zülu.       Keta Alibatem  Okila 1:1-2  Salem O 1:1-2 Arogo aser arogo nung tenzükertem ...

TESALONIKA  NUNGER DANGI PAUL MEZÜNG SHITI       OKILA  Tesalonikaji Rom yirnli Makedonia nung yimtiba liasü, Pauli Filipi nungi arua idaki Khristar arogoji tenzük. Kodang Pauli sayutsüngiba ajanga Bendangertemi osangtajungji agizüka amang,Yihuda nungertemi tenük merem agi Paul anema apuso. Parnoki Paul dang Tesalonika toktsür Beriai oadokang ta ozüng agütsü, Tesulen Paul Korint nung alidang pa den külemi inyaker Timoti ajanga Tesalonika arogo tia indang pa nem metetdaktsü.  Pa mezüng shiti nung Tesalonika arogo nung amangbapurtem ajongshia zülu. Parnok tamang aser temeim mapatem atema pai parnok nem tenüngsang agütsü; aser pa parnok den alidang koma laisü, iba kasa tamang nung alitsü ajungshi; aser parnok rongnung mangatettep O koba Khrista tanaben arutsü indang obang mapu liasü; amangbapur ka Khrista marujungi süra, Khrista arudangji tatem makaba takümji paia ngudimajta pai ashi. Pauli parnok dang Khrista arutsü teimla nung nisung shiai pei mapa mera...

KOLOSI NUNGER DANGI PAUL SHITI       OKILA  Asia lima Efesa aniidoklen aliba Kolosi arogo dangi iba shiti ziilu. Pauli iba yimti nung Khrista arogoji metenziikaka, pai Efesa arogo nungi tenziiker kar yoka idaki arogoji tenziik. Kolosi arogo nung tiyazii tesayurtem kar liasii, aser parnok tesayubaji: "tanela yimsiisiirtem aser bangdak alirtem dang aputaka kiimlemba ajanga dang Tsiingremji metettsii akok aser tekiimtet tabensaba akar." Iba dak alaka item tesayurtemi yimsii oziingtem kiibok tashi angatsiila, oda teburtem mejetoktsiila aser chiyungtsu tsiitsii oziing tesashi amshir ta Pauli angazuk.  Anungji item tesayubatemji anema Paul shitakba osangtajungji ziilu. Pa telangzuba 0 temulungji: Yisu Khristai dang tekiimtet tabensabaji agiitsiitsii akok : aser item tiyazii tamangbatem aser parnok mapatem jagi Khrista nungi piladaktsiir. Khrista ajanga Tsiingremi alimaji yanglu, aser pai ibaji tanaben pa dangi anir arutsii. Khrista den telungjem akabaji ajanga da...

EFESA  NUNGER DANGI PAUL SHITI       OKILA  Efesa nunger dangi züluba Paul shiti nükjidongji: Tsüngremer sendong ... teyangluba ajak, kotak nung aser alima nung külemi lungjemdaktsütsü aser iba madak Khristaji tekolak (1:10). Tsüngremer nübur ajaki iba sendong tulu ajanga meimchir ajak YISU Khrista ajanga ka küma lungjemdaktsür ibaji angatettsü asoshi.  Mezüngbuba shilem nungji parnok lungjema alitsü atema Tebu Tsüngremi pa purtem shimtetba.: parnok nem koba temenen tatokba agütsu, aser pei Chir Yisu Khrista ajanga parnok nem nuji agutsur, Tstingremer tenangzükbaktemji Tanela Temeshi tashi ajanga tashi agizüktsü iba indang zülu. Tanabuba shilem nung iba telungjemdaktsüba aser parnok Khrista nung ka küma alibaji parnok taküm nung shitak adoka sayutettsü ajungshi. Tsüngremer nüburtem Khrista nung ka küma lungjema aliba tetezü sayutsü atema temaitsütem kar amshi: arogoji temang ka lir koba nung Khristaji tekolak; mesura ki ka ama koba 'nung kinuk lung ton...

KORINT NUNGERDANGIPAULTANABUBASHITI      OKILA  Korint nunger dangi züluba Paul tanabuba shiti ya pa Korint arogo nunger den tesendaktep ,tajung maliba mapang ka nung zülu. Korint arogo nunger karibo Paul anema kanga mejungi apuso, saka item den putepa akümtsü aser ibaji ajanga pa koda pelatsü ta bilema Pauli iba shiti zülu.  Mezüngbuba shilem nung pa Korint arogo den tesendaktep indang zülu, aser pa anema apursotem den angatetteptsü, aser parnok putepa akümtsü pa tejangraba koba ajanga parnok ajak temulung meyipba dangi arutsü ta pai imla. Ano Yihuda lima nung aliba amangbapurtem ayawara atema parnoki akokba tenIa yoktsü atema pai zülu. Kaket tatemlenji Korint nung ishika shirnoki pi dang parnokji ang chichiba tenyartem ta shia noktak, aser Pauljibo tiyazü tenyar ta aitsü; parnok anema Pauli pei tenyar jenjang kümzüka ayutsü zülu.       Keta Alibatem  Okila 1:1-11  Salem Osang 1:1-2 Tsüngrem Nem Pauli Tenüngsang Agütsüba 1:3-11 Pau...

KORINT  NUNGER DANGI PAUL MEZÜNG SHITI       OKILA  Korint nunger dangi züluba Paul mezüng shiti nung Pauli amangba pur ka taküm nung aser tamang dak sendakba tebilemtsütem indang zülu. Korintji Grik nunger yimti koba nung nisung tapu aika meyoktepa liasü; Rom yimli Akaia lima nung yimtiba liasü. Iba yimti ya shishilembaba, Grik nunger sobaliba, tesem ajaklen jabujariba, aser yimsü aika atema nüngtugu liasü.  Parnok rongnung tebilemtsütem aika indang Pauli teratet aser tangatettsü O aika agi telangzübatem agütsü. Talisa arogopurtem rongnung telemsa adokba, arogo nungertem rongnung nüktapangta aser jabujari mapa inyakba; tetsür aser tebur kiyimba indang; mulungsentsü indang; arogo nung inyakyim; Tanela Temeshi sempettem; aser shia aruba. Paul dak tangatetba shisatsü kanga dang tesadem alibayong item ajak telangzüba den pai ano osangtajungji parnok mulungjangi yok.  Tapu 13 kong temeimji Tsüngremi nisungtem nem agütsüba sempet tajungtiba ta sayur, i...

ROM NUNGER DANGI PAUL SHITI      OKILA  Rom nunger dangi züluba Paul shiti ya pai Rom nung aliba arogoji semdangtsü atema lenmang renemba ka amai lir. Pa nükjidongji: Rom nung aliba tamangertem den ken munger, parnok teyari ajanga Spaini onüba liasü. Iba kaket nung Pauli sayutsüngiba tongtibang onüktem aika lir; kong pai amangba pur ka taküm nung tamang aser iba mapatem indang rateta zülu. Rom arogo nung aliba amangba purtem nem salem agütsüba aser pai parnok atema sarasademtsüba sülenbo pa shiti nükjidong: kechiyong Tsüngrem tsüngdang temeten angubaji tamang ajanga lir (1:17) ta shia iba indang zülu. Pauli ano pa nükjidongji rasa-a zülu. Temenen tashi kübok ajak ali nung, Yihuda nungertem aser Bendangertem ajaki Tsüngrem madang temeten angutsü nüngdak. Aser ibaji Yisu dak amangba ajanga metendaksür. Tanabuba nung, Tsüngrem den lungjemdaktsübaji Khrista nung taküm tasen akümba agi ta Pauli zülu. Tamangertem Tsüngrem den yimjung yangluba jagi temenen nungi sala-a Tsün...

FILIPI  NUNGER DANGI PAUL SHITI      OKILA  Filipi nunger dangi züluba Paul shiti ya Pauli Europe lima nung mezüngbuba tenzükba arogo, Rom yimli Makedonia lima nung liasü. Iba shiti ya Paul tepuokdak lia; oda Filipi nung tiyazü tesayurtem aser pa anema apusoba Khristantem kübok timtemba mapang ka nung zülu, Saka Pauli Khrista dak pei tamang takang ayuba ajanga pai tepela aser tesünep angutsü ta imla.  Shiti nükidongji: Filipi arogopurtemi Paul timtem mapang pa nüngdak ajak agütsüba atema parnok nem tenüngsang agüja züluba lir. Kasa mapang nung ano pai parnok tasü tait aser tamang katetba mapatemji tarutsü timtem mapang nunga maneni inyaktsü ajungshi. Asükümba aser pei ajung indang mebilemi Yisu dak parnok tamang ayutsü pai parnok dang mepishi. Parnok Khrista den telungjem alibaji Tsüngrem sempet, koba parnok tamang ajanga agizük, saka ibai parnok Yihuda nunger ozüng aser tekülemba yimsü dang tashi angaba agi anguba masü ta parnok nem bilemtetdakttsütsü asos...