TEMESHI LAISHIBA

GALATIA NUNGER DANGI PAUL SHITI     OKILA  Yisü indang osangtajung prokshia aodang Bendanger aikati aji agizük. Idangji chichiba Khristan ka kümtettsü atema Bendanger jagi Mosa Ozüng benshitsü tim asü masü ta tasüngdangba ka adok. Pauli ibaji nüngdak mali ta o toktepa zülu. Atangji Khrista nung taküm ka tamendakdakji tamangji dang lir; koba agi Tsüngrem den paji putepdaktsür. Saka Rom yimli Asia linük nung aliba Galatia arogotem nung nisüng kari Paul anema noktak; aser item nisüng shir temulung meyipa arur parnokji Mosa Ozüng küboki aitba ajanga dang Tsüngrem den yimjungji yanglutettsü ta noktak. Tai tesayubatem ajanga shirnoksa atsür ao, itemji shitakba tamang lenmangi tanaben meyipa anir arutsü nüklanung Pauli iba shiti zülu, Pauli pei sasa Yisü Khrista tenyar ka ta temeten O shia item purtem anema noktak. Pa tenyar ka asütsü tajabaji nisüng tashi agi masü, saka Tsüngrem nungi, aser pa nem nungloktküba mapaji tongtibangsa Bendangertem atema ta pai kuli asü. Iba sülen pa...

YOHAN DANGI  JUNGKAI  ADOKBA      OKILA Khristantemi  Yisü Khristaji Kibur ta amangba aser kuli asüba yong parnok rishikangshiba mapang iba kaket ya zülu. Anüngji item timtem tekangshi aser rishikangshi ajak nungji parnoki nangzükba dang tamang kateta aser teimla nung ajakji aremzüka alitsü ajungshi. Kaket shilem tuluba ka nung jungkai adokbatem aser mangdangtem koba tetezü aser temaitsü O kobaiba anogo nung parnoki angatettsü aser ratettsü akok, saka aika atema ibai tesüngmangtsü ka lir. Mangdang tapu balala indang tesayubaji ajanga kaket nükjidongji jungkai adoka sayur. Kaket ratet indang tebilemba balala aika liaka, kaket nükjidongjibo kasa dang; Kodang Kibuba Khrista ajanga Tsüngremi tatem nung pa tsükchirtem ajak oda Satan dena akoktsü, aser pai tamang katetba nüburtem nem sempet aser temoatsütem kotak tasen aser alima tasen nungji agütsüsü.      Keta Alibatem Okila 1:1-8 Okila aser Salem O 1:1-3 Asia nung Aliba Arogo Tenet Dangi 1:4-8 M...

TENYARTEM MAPA      OKILA Tenyartem mapa, ibai Osangtajung Luk kaket den sendaktepa lir. Kaket nükjidong: kodaser mezüng Yisü sülen anitakertemji Tanela Temeshi leniba agi Osangtajung prokshiba nung: "Yirusalem, Yihuda ajak aser Samaria aser alima tatem tashi (1:8) shilem agio Ibai Khristantem tamang züinba otsü kaket ka lir, koba Yihuda nungertem nungi tenzüka alima ajonga nung pa dak amangertem tamangba yimsü ka aküm, Tezüluri amangbapurtemji Rom yimli yimsüsüba anema apusortem masü, saka iba yagi Yihuda nunger tamangba yimsü atalokdaktsür dang ta rateta zülu. Iba kaket nung tongtibang tatalokba kaji: Tenemnü Benjong anogo nung Tanela Temeshi Yirusalem nung amangba purtem madak ain nung aluba, aser iba tashi kübok arogoji maneni züinba, aser tamangertemi tasü ita iba indang kuli asübaji lir. Mezüng Khristanpuri sayutsüngiba osangji tesem aisü nung tatsü agi sayua lir, aser arogopur telungjem aser amangbapur taküm nung iba osang tashi ainji iba kaket nung zülua aliba tat...

YOHAN-I ZULUBAOSANGTAJUNG      OKILA Osangtajung Yohan nung Yisuji tatem makaba Tsüngrem O, shiba "nisung ama aküm aser asenok rongnung ali" ta sayur. Yisuji tenangzükba Kümtetdakba, Tsüngrem Chir, ta amangba ajanga parnok teti taküm akatsü (20:31) iba nükjidong nung ajemdaker iba kaket zülu ta angateter. Yisuji tatem makaba Tsüngrem O ta okila nung ashiba sülenbo, pai sayatenya mapatem inyakba koba ajanga atangji Yisuji tenangzükba Kümtetdakba Tsüngrem Chir ta jungkai adoka sayur. Kaket mezüng shilem nungji nisung kar pa sülen anitaker aküm dang ana karibo pa mapa anema apusoba angur. Tapu 13-17 nungji Yisui pei nütsüngtem den ,kija alidang aonung pa apuba, kangki nung angenlokba ajanga parnok nem kechi Tekümtet agütsütsü, item O agi parnok mulung süngjemdaktsüba angur. Tapu tatemlenji Yisu apuba, obendangba, kangki nung angenlokba aser shia aruba; shia arur külen nütsüngtem dangi adoka sayuba itemji angur. Nüktapangtatsür ka apuba (8:1-11) iba shilem ya teka z...

LIPOK      Okila Lipok tetezü “Tetenzükdak.” Anüng-ali yangluba, meimchir jakzükba, aser Tsüngremi meimchir den koma lia aru, item indang iba kaket nung angur. Lipok kaket ya tongtibang shilem ana küma lemsatsü akok: Tapu 1 – 11 anüng-ali yangluba aser meimchir otsü. Adam aser Eva, Kain aser Abel, Noa aser tzümetsüng, Babel lungki, item indang iba shilem nung angutsü. Tapu 12-50 Israel nunger tetsü-teboutem otsü. Mezüngbubaji Abraham, shiba tamang aser Tsüngrem dang tashiangaba atema nüngtugu aküm. Iba sülen par chir Isak, aser semchir Yakob. Yakober chir terana shirnok dang Israel kin ta aja aser parnok kanga nüngtugu aküm. Tongtibangsa Yakober chirtem rongnung Yosef otsü indang, Yakob aser par jabasotem, aser parnok kibongtem ajak Ijip lima aruba indang, tatalokbatem idaki angutsü. Iba kaket nüng meimchir indang otsü ashibaji Tsüngremi tamasa aser mezüngbuba inyakba mapa lir. Tsüngremi anüng-ali yangluba otsü nungi tenzüker, ano Tsüngremi meimchir asoshi anebalutsü tena...