Temeshi Lai IBRI NUNGER DANGI SHITI kaket nung okila aser keta alibatem

-
IBRI
NUNGER DANGI SHITI 
    OKILA 
Lendong timtem aser anema apusoba metizükteti pei Khristan tamang ang toktsüdi ta aliba Khristan telok ka dangi iba shiti ya zülu, Parnok dang Yisu Khristaji shitakba aser tatembangba Tsüngremer jungkai adokba lir ta ajungshi. Anungji iba atema tongtibang onük asem dak amendaker ibaji zülu:(l) Yisuji tatembang makaba Tsüngrem Chir, shibai timtem aremzükba ajanga Tebu dang tashi angatsü angazük. Yisu Tsüngrem Chir asünung Tejen Lai ainkartem, kotak tenyartem aser Mosa danga temaba. (2) Yisuji Tejen Lai putirtem dang nungia tatem makaba' temaba putir ta Tsüngremi sangdong. (3) Yisu ajanga tamangertemji temenen, tetsübu aser tasüba nungi kümzüker; Ibri nunger yimsü nung shiruru zü ajanga koba tekümtet angur ta amanga liasü, Yisu Temaba Putir ka ama tejangja tekumtetji pai agütsüogo. 
Israel nunger otsü nung nungtugu tamang nokinketer kar (tapu 11), nung shisemba ajanga parnok dang pei tamang nung akanga noktaka alitsü ajungshi, aser (tapu 12) nung iba tamangji meraksai Yisu dak repranga kechi timtem arudir, item ajakji aremzüktsü indang zülu. Kaket tatem nungji tajungshiba aser tekümdangtsü otem shia züluogo.
    Keta Alibatem 
Okila Yisu Khristaji Tsüngrem tabensaba jungkai adokba 1:1-3
Tsüngremi Pei Chir Ajanga Jembiogo 1:1-4
Khrista kotak tenyartem dang nungia temaba 1:4-2:18
Techirji Kotak Tenyartem Dang Nungi Taoba 1:5-14
Tekümtet Tulu 2:1-18
Khrista Mosa aser Yihusua dang nungia temaba 3:1-4:13
Yisu Mosa dang Nungia Temaba 3:1-6
Tsüngrem Nübur Asoshi Anisüngzük 3:7-4:13
Khrista Temaba Putir Tuluba 4:14-7:28
Yisu Temaba Putir Tuluba 4:14-5:10
Tekümdangtsü Otem 5:11-6:12
Tsüngremer Chichiba Tenangzükba 6:13-20
Melkizedek nungi Tangzükba Putir 7:1-14
Melkizedek ama Putir ka 7:15-28
Khrista Tezüngzüktepba temaba 8:1-9:28 
Tajungba aser Tasenba Tezüngzüktepba Temaba Putir 8:1-13
Alima aser Kotak Tekülemdak 9:1-22
Khrista Tenlaba agi Temenen Bener Aoba 9:23-10:18
Khristai tenla agütsübaji temaba 10:1-39
Asenoki Tsüngrem Anasai Odi 10:19-39
Tamangji tematiba 11:1-12:29
Tamang Indang 11:1-40
Kibubai Azüokba 12:1-13
Tsüngremer Taochi Sentokba Atema Tekümdangtsü 12:14-29
Tsüngrem peladaktsüba 13:1-19
Tsüngrem Mulungba Chidaktsüba Mapa 13:1-19
Tatem sarasadem 13:20-21
Tatem O 13:22-25
Tatem O 13:20-25

Comments

Post a Comment

Popular posts from this blog

-
  TENÜNGSANG KEN 119 Kibuba  Ozüng 1 Shirnok lenmang nung tamayazür lir, shirnoki  Kibuba  ozüng nung jajar parnok temoatsüba. 2 Shirnoki pa temelabatem benshir, Shirnoki temulung ajak agi pa bushir, parnok tepelatsü. 3 Hau, parnoki memeshiba meinyaker; Parnoki pa lenmang nung jajar. 4 Nai ne ochi ozüngtem, onoki meranga benshitsü onok dang mela. 5 Oh, telatet ozüngtem benshitsü, kü lenmangtem akanga yanglua lilasang! 6 Kodang ne temelaba ozüngtem ajak nung ni akhümtsübua lidir, Idangji ni akseta malitsü. 7 Kodang ne temeshi obendang ni angazükdir, ni ne nem tamayazüba mulungjang agi tenüngsang agütsütsü. 8 Ni ne ozüngtem benshitsü; Oh, ni bendanga senzüka teyutsüma. Kibuba  Telatet Obendangba Ozüng 9 Asangur nisungi pei lenmang koda merüka yutettsü? Ne o ama aji mita aliba agi. 10 Kü mulungjang ajak agi ni na bushiogo; oh ne temelaba ozüng nungi ni nemzüa tuodaktsü. 11 Ni na anema temenen memenatsü, ne o kü mulung nung rizünga lir. 12 Na temoatsü lir, Oh  ...
Read more

GALATIA

-
GALATIA NUNGER DANGI PAUL SHITI     OKILA  Yisü indang osangtajung prokshia aodang Bendanger aikati aji agizük. Idangji chichiba Khristan ka kümtettsü atema Bendanger jagi Mosa Ozüng benshitsü tim asü masü ta tasüngdangba ka adok. Pauli ibaji nüngdak mali ta o toktepa zülu. Atangji Khrista nung taküm ka tamendakdakji tamangji dang lir; koba agi Tsüngrem den paji putepdaktsür. Saka Rom yimli Asia linük nung aliba Galatia arogotem nung nisüng kari Paul anema noktak; aser item nisüng shir temulung meyipa arur parnokji Mosa Ozüng küboki aitba ajanga dang Tsüngrem den yimjungji yanglutettsü ta noktak. Tai tesayubatem ajanga shirnoksa atsür ao, itemji shitakba tamang lenmangi tanaben meyipa anir arutsü nüklanung Pauli iba shiti zülu, Pauli pei sasa Yisü Khrista tenyar ka ta temeten O shia item purtem anema noktak. Pa tenyar ka asütsü tajabaji nisüng tashi agi masü, saka Tsüngrem nungi, aser pa nem nungloktküba mapaji tongtibangsa Bendangertem atema ta pai kuli asü. Iba sülen pa...
Read more

Temeshi Lai TENYARTEM MAPA kaket nung okila aser keta alibatem

-
TENYARTEM MAPA      OKILA Tenyartem mapa, ibai Osangtajung Luk kaket den sendaktepa lir. Kaket nükjidong: kodaser mezüng Yisü sülen anitakertemji Tanela Temeshi leniba agi Osangtajung prokshiba nung: "Yirusalem, Yihuda ajak aser Samaria aser alima tatem tashi (1:8) shilem agio Ibai Khristantem tamang züinba otsü kaket ka lir, koba Yihuda nungertem nungi tenzüka alima ajonga nung pa dak amangertem tamangba yimsü ka aküm, Tezüluri amangbapurtemji Rom yimli yimsüsüba anema apusortem masü, saka iba yagi Yihuda nunger tamangba yimsü atalokdaktsür dang ta rateta zülu. Iba kaket nung tongtibang tatalokba kaji: Tenemnü Benjong anogo nung Tanela Temeshi Yirusalem nung amangba purtem madak ain nung aluba, aser iba tashi kübok arogoji maneni züinba, aser tamangertemi tasü ita iba indang kuli asübaji lir. Mezüng Khristanpuri sayutsüngiba osangji tesem aisü nung tatsü agi sayua lir, aser arogopur telungjem aser amangbapur taküm nung iba osang tashi ainji iba kaket nung zülua aliba tat...
Read more