Temeshi Lai PETER MEZÜNG SHITI aser PETER TANABUBA SHITI kaket nung okila aser keta alibatem

-
PETER
MEZÜNG SHITI 
    OKILA 
Mezüng Peter shitji amangbapurtem shir dang, "Tsüngremi shimtetba nüburtem" ta aja, aser shirnok Asia lima anüdoklentip ajak nung prokshia liasü, parnok dangi zülu. Shiti züluba nükjidongji, parnok tamang nung akanga alitsü, kechiaser iba mapang parnok pei tamang atema rishikangshi tia nung liasü. Anungji Yisu Khrista osangtajung, shiba tasüba shia aruba aser tanaben arutsü nangzükba agi pa dak amanger mulung nung teimla agütsür, iba indang shia zülu. Iba teimla nung parnoki rishikangshi aser timtemji aremzüktsü, ibai parnok tamang tendangba ka ta meteta kodang Yisu Khrista Anogoji arudir parnoki rema maoba sempet angutsü ta ajungshi. 
Timtern mapang nung koda arernzüktsü ajungshiba den ano tezülur jagi tazüngertem ajak Khristanpur ka ama alitsü mepishi. 
    Keta Alibatem 
Okila 1:1-2 
Okila 1:1-2 
Tsüngremer tekümtet indang lepshiba 1:3-12
Taküm Teimla 1:3-9
Ainkar Tamang 1:10-12
Temeshi taküm alitsü ajungshiba 1:13-2:10
Temeshi Taküm Alitsü Ajungshiba 1:13-25
Taküm Lung aser Temeshi Kin 2:1-10
Timtem-toushi mapang nung Khristan ka 2:11-4:19 
Tsüngrem Lartem Ama Liang 3:11-17
Khrista Tuoshi Tatishitsü 2:18-25
Kinungtsütem aser Kinungpurtem 3:1-7
Temeshiba Asoshi Timtemba 3:8-22
Tsüngrem Taochi Nung Ketangsür Tajung 4:1-6
Tsüngremer Sempet Nung Ketangsürtem Tajung 4:7-11
Khristan Ka Ama Timatemba 4:12-19
Khristan tenzükba aser ajemaluba 5:1-11 
Tsüngemer San Telok 5:1-11
Tatem Salem O 5:12-14
Tatem Salem O 5:12-14


PETER
TANABUBA SHITI 
    OKILA 
Tanabuba Peter Shitiji meyoktepa aliba Khristan telok ka dangizülu. Shiti, züluba nükjidongji: tiyazü tesayurtem, aser nüktapangta mapa koba yamala tesayuba nungi adoker item anema zülu. Item tiyazü tesayubatem anema telangzübaji: Kibuba Yisu Khrista aser Tsüngrem temetetba shisatsü chichiba angurtem aser pa nungi angashirtem nungi iba temetetba shisatsüji arua lir ta sayu. Ano Khrista tanaben marutsü ta tiyazü tesayuba Tsüngremi shinga mesamadaktsünur, saka ajak temenen nungi temulung meyipba dangi arudaktsünuba yong atasar ta zülu.
Keta Alibatem 
Okila 1:1-2 
Okila 1:1-2
Khristan Tajaba 1:3-21 
Tsüngremi Ajaba aser Shimtetba 1:3-15
Khrista Sentsüwangshi aser Shinba O 1:16-21
Tiyazü tesayurtem 2:1-22 
Tiyazü Ainkartem aser Tesayurtem 2:1-22
Khrista tanaben aruba 3:1-18
Kibuba Arutsü Nangzükba 3:1-18



Comments

Post a Comment

Popular posts from this blog

-
  TENÜNGSANG KEN 119 Kibuba  Ozüng 1 Shirnok lenmang nung tamayazür lir, shirnoki  Kibuba  ozüng nung jajar parnok temoatsüba. 2 Shirnoki pa temelabatem benshir, Shirnoki temulung ajak agi pa bushir, parnok tepelatsü. 3 Hau, parnoki memeshiba meinyaker; Parnoki pa lenmang nung jajar. 4 Nai ne ochi ozüngtem, onoki meranga benshitsü onok dang mela. 5 Oh, telatet ozüngtem benshitsü, kü lenmangtem akanga yanglua lilasang! 6 Kodang ne temelaba ozüngtem ajak nung ni akhümtsübua lidir, Idangji ni akseta malitsü. 7 Kodang ne temeshi obendang ni angazükdir, ni ne nem tamayazüba mulungjang agi tenüngsang agütsütsü. 8 Ni ne ozüngtem benshitsü; Oh, ni bendanga senzüka teyutsüma. Kibuba  Telatet Obendangba Ozüng 9 Asangur nisungi pei lenmang koda merüka yutettsü? Ne o ama aji mita aliba agi. 10 Kü mulungjang ajak agi ni na bushiogo; oh ne temelaba ozüng nungi ni nemzüa tuodaktsü. 11 Ni na anema temenen memenatsü, ne o kü mulung nung rizünga lir. 12 Na temoatsü lir, Oh  ...
Read more

GALATIA

-
GALATIA NUNGER DANGI PAUL SHITI     OKILA  Yisü indang osangtajung prokshia aodang Bendanger aikati aji agizük. Idangji chichiba Khristan ka kümtettsü atema Bendanger jagi Mosa Ozüng benshitsü tim asü masü ta tasüngdangba ka adok. Pauli ibaji nüngdak mali ta o toktepa zülu. Atangji Khrista nung taküm ka tamendakdakji tamangji dang lir; koba agi Tsüngrem den paji putepdaktsür. Saka Rom yimli Asia linük nung aliba Galatia arogotem nung nisüng kari Paul anema noktak; aser item nisüng shir temulung meyipa arur parnokji Mosa Ozüng küboki aitba ajanga dang Tsüngrem den yimjungji yanglutettsü ta noktak. Tai tesayubatem ajanga shirnoksa atsür ao, itemji shitakba tamang lenmangi tanaben meyipa anir arutsü nüklanung Pauli iba shiti zülu, Pauli pei sasa Yisü Khrista tenyar ka ta temeten O shia item purtem anema noktak. Pa tenyar ka asütsü tajabaji nisüng tashi agi masü, saka Tsüngrem nungi, aser pa nem nungloktküba mapaji tongtibangsa Bendangertem atema ta pai kuli asü. Iba sülen pa...
Read more

Temeshi Lai TENYARTEM MAPA kaket nung okila aser keta alibatem

-
TENYARTEM MAPA      OKILA Tenyartem mapa, ibai Osangtajung Luk kaket den sendaktepa lir. Kaket nükjidong: kodaser mezüng Yisü sülen anitakertemji Tanela Temeshi leniba agi Osangtajung prokshiba nung: "Yirusalem, Yihuda ajak aser Samaria aser alima tatem tashi (1:8) shilem agio Ibai Khristantem tamang züinba otsü kaket ka lir, koba Yihuda nungertem nungi tenzüka alima ajonga nung pa dak amangertem tamangba yimsü ka aküm, Tezüluri amangbapurtemji Rom yimli yimsüsüba anema apusortem masü, saka iba yagi Yihuda nunger tamangba yimsü atalokdaktsür dang ta rateta zülu. Iba kaket nung tongtibang tatalokba kaji: Tenemnü Benjong anogo nung Tanela Temeshi Yirusalem nung amangba purtem madak ain nung aluba, aser iba tashi kübok arogoji maneni züinba, aser tamangertemi tasü ita iba indang kuli asübaji lir. Mezüng Khristanpuri sayutsüngiba osangji tesem aisü nung tatsü agi sayua lir, aser arogopur telungjem aser amangbapur taküm nung iba osang tashi ainji iba kaket nung zülua aliba tat...
Read more