Temeshi Lai YOHAN MEZUNG, TANABUBA aser TASEMBUBA SHITI kaket nung okila aser keta alibatem

-
YOHAN
MEZÜNG SH1TI
    OKILA 
Mezüng Yohan shiti nung tongtibang onük ana lir: Tsüngrem aser pa Chir Yisu Khrista den telungjem nung alitsü, aser shirnoki iba telungjem raksatsütsü meranger, item tiyazü tesayurtem anema tekümdangtsü otem. Parnok tesayubaji: Alima den meyoktepa aliba jagi temenen menadaktsür, anungji Tsüngrem Chir Yisu Khristaji shitakba nisung ka masü. Item tesayurtemi sayubaji ya: Kümzüktsü asoshi iba lima taküm indang shisa bulua bilemba: nungi asenokji kenyongi pila-a alitsüla. Ano parnokisa ya sayur, oda tekümtetji pei adianu asoshi temeim akaba mesüra jaklaliro den kecha sentaktepa mali.
Anungji iba tesayuba anema Yisu Khristaji shitakba nisung, aser shirnoki Yisu Khrista dak amanger aser Tsüngrem dang meimer parnoki kati ka den meimteptsüla ta zülu
    Keta Alibatem. 
Okila 1:1-4
Taküm O 1:1-4
Tesangwa aser Tammang 1:5-2:29
Tsüngremji Tesangwa 1:5-10
Khrista Asenok Teyarir 2:1-6
Temelaba Ozüng Tasen 2:7-17
Khrista Anemer 2:18-29
Tsüngrem chirtem aser Mojing chirtem 3:1-24
Tsüngrem Chirtem 3:1-10
Kati Ka Den Meimtepang 3:11-18
Tsüngrem Dak Tasü-Tait Tamang 3:19-24
Ochi aser tiyazü 4:1-6 
Ochi Tanela aser Tiyazü Tanela 4:1-6
Temeim mapa 4:7-21
Tsüngrem Temeim Lir 4:7-21
Alima ajetba tamang     5:1-21
Alima Ajetba Tamang 5:1-5
Techir Atema Kulisüba 5:6-12
Teti Tatem Maka Taküm Metetba 5:13-21


YOHAN
TANABUBA SHITI 
    OKILA 
Iba shiti ya "Tambur" kati "Temeimba tamarentsür aser lar chirtem" dangi zülu, oda arogo ka aser idakji aliba amangbapurtem dangi zülu. Shiti nung tongtibang osangji kati ka den meimteptsü, aser tiyazü tesayurtem aser parnok tesayubatem anema tekümdangtsü otem agütsür. 
    Keta Alibatem
Okila 1-3
Okila 1-3
Temeimji tematiba 4-6 
Tai tesayubatem anema tekümdangtsü 7-11 
Ochi aser Temeim 4-11
Tatem O 12-13 
Tatem Salem O 12-13


YOHAN
TASEMBUBA SHITI 
    OKILA 
Tasembuba shiti ya "Tambur" kati arogo ka nung lenir ka tenüng agi Gaya dangi zülu. Gayai tangar Khristantem dang yariba atema tenüngsang agü¬tsüba, aser ano nisung ka tenüng agi Diotrefa dang tekümdangtsü shia zülu 
    Keta Alibatem
Okila 1-4 
Okila 1-4
Gaya tenüng asangba 5-8 
Gaya Tenüng Asangba 5-8 
Diotrefa anema taitsüba O 9-10
Diotrefa Anema Taitsüba O 9:-10
Demetria indang medentsüba O 11-12 
Tatem O 13-15 
Tatem Salem O 13-15

Comments

Post a Comment

Popular posts from this blog

-
  TENÜNGSANG KEN 119 Kibuba  Ozüng 1 Shirnok lenmang nung tamayazür lir, shirnoki  Kibuba  ozüng nung jajar parnok temoatsüba. 2 Shirnoki pa temelabatem benshir, Shirnoki temulung ajak agi pa bushir, parnok tepelatsü. 3 Hau, parnoki memeshiba meinyaker; Parnoki pa lenmang nung jajar. 4 Nai ne ochi ozüngtem, onoki meranga benshitsü onok dang mela. 5 Oh, telatet ozüngtem benshitsü, kü lenmangtem akanga yanglua lilasang! 6 Kodang ne temelaba ozüngtem ajak nung ni akhümtsübua lidir, Idangji ni akseta malitsü. 7 Kodang ne temeshi obendang ni angazükdir, ni ne nem tamayazüba mulungjang agi tenüngsang agütsütsü. 8 Ni ne ozüngtem benshitsü; Oh, ni bendanga senzüka teyutsüma. Kibuba  Telatet Obendangba Ozüng 9 Asangur nisungi pei lenmang koda merüka yutettsü? Ne o ama aji mita aliba agi. 10 Kü mulungjang ajak agi ni na bushiogo; oh ne temelaba ozüng nungi ni nemzüa tuodaktsü. 11 Ni na anema temenen memenatsü, ne o kü mulung nung rizünga lir. 12 Na temoatsü lir, Oh  ...
Read more

GALATIA

-
GALATIA NUNGER DANGI PAUL SHITI     OKILA  Yisü indang osangtajung prokshia aodang Bendanger aikati aji agizük. Idangji chichiba Khristan ka kümtettsü atema Bendanger jagi Mosa Ozüng benshitsü tim asü masü ta tasüngdangba ka adok. Pauli ibaji nüngdak mali ta o toktepa zülu. Atangji Khrista nung taküm ka tamendakdakji tamangji dang lir; koba agi Tsüngrem den paji putepdaktsür. Saka Rom yimli Asia linük nung aliba Galatia arogotem nung nisüng kari Paul anema noktak; aser item nisüng shir temulung meyipa arur parnokji Mosa Ozüng küboki aitba ajanga dang Tsüngrem den yimjungji yanglutettsü ta noktak. Tai tesayubatem ajanga shirnoksa atsür ao, itemji shitakba tamang lenmangi tanaben meyipa anir arutsü nüklanung Pauli iba shiti zülu, Pauli pei sasa Yisü Khrista tenyar ka ta temeten O shia item purtem anema noktak. Pa tenyar ka asütsü tajabaji nisüng tashi agi masü, saka Tsüngrem nungi, aser pa nem nungloktküba mapaji tongtibangsa Bendangertem atema ta pai kuli asü. Iba sülen pa...
Read more

Temeshi Lai TENYARTEM MAPA kaket nung okila aser keta alibatem

-
TENYARTEM MAPA      OKILA Tenyartem mapa, ibai Osangtajung Luk kaket den sendaktepa lir. Kaket nükjidong: kodaser mezüng Yisü sülen anitakertemji Tanela Temeshi leniba agi Osangtajung prokshiba nung: "Yirusalem, Yihuda ajak aser Samaria aser alima tatem tashi (1:8) shilem agio Ibai Khristantem tamang züinba otsü kaket ka lir, koba Yihuda nungertem nungi tenzüka alima ajonga nung pa dak amangertem tamangba yimsü ka aküm, Tezüluri amangbapurtemji Rom yimli yimsüsüba anema apusortem masü, saka iba yagi Yihuda nunger tamangba yimsü atalokdaktsür dang ta rateta zülu. Iba kaket nung tongtibang tatalokba kaji: Tenemnü Benjong anogo nung Tanela Temeshi Yirusalem nung amangba purtem madak ain nung aluba, aser iba tashi kübok arogoji maneni züinba, aser tamangertemi tasü ita iba indang kuli asübaji lir. Mezüng Khristanpuri sayutsüngiba osangji tesem aisü nung tatsü agi sayua lir, aser arogopur telungjem aser amangbapur taküm nung iba osang tashi ainji iba kaket nung zülua aliba tat...
Read more