1 PUTIPUYANG

1 PUTIPUYANG

OKILA

Mezüng aser Tanabuba PUTIPUYANG kaket ana ya SAMUEL aser CHUBATEM kaket nung zülua alibatem indang lepshia ashiba ama, saka ya lenmang balaka nungi ratetshia züluba kaket ka lir. Israel nung chubasüba otsü tongtibang ana indang iba kaket yagi mekabanga lir.

Mezüngbuba nung Israel aser Yihuda yimli madaki takoksa aser tesama aruaka, Tsüngremi pei tenangzükbaji maneni ayu aser pa sendong Yihuda nung alirtem ajanga inyakdaktsütsü pa sendongji liasü. Pa tenangzükbaji ochi ta sayutsü tajemmetdak asütsü asoshi, kaket zülur jagi Israel nung mapa tulu inyakertem aser yimsü nung asentenshi bener arurtem oda Dawid, Solomon nungi Yehosafat, Hezekia aser Yosia ama aser nisung shiri Tsüngrem dak tamang ayu, item indangji zülu.

Tanabuba nung, Yirusalem nung Tsüngrem külemtsü tenzükba indang, putir aser Levi kidong parnok maparen balala tenzükba koba ajanga parnok tekülemba mapatem inyak. Solomoni ang tenlakiji yangluaka, Dawidji tenla ki tekülem nguteter ka ama idaki angur.

        Keta Alibatem

Kin Kidong Jakzükdak Tera 1:1-9:44 Saul Chuba Asüba 10:1-14

Dawid Chuba Yimsüsuba 11:1-29:30

Timtem aser Takok 11-22:1

Tenla Ki Yanglutsü Terenemba 22:2-29:30

        Keta Alibatem  

Kin Kidong Jakzükdak Tera 1 PUTIPUYANG 1:1-9:44

Adam Nungi Abraham Tashi 1 PUTIPUYANG 1:1-4 (Lip.5:1-32; 10:1-32; 11:10-26; Luk.3:34-38)

Yafet Chirtem 1 PUTIPUYANG 1:5-7

Ham Chirtem 1 PUTIPUYANG 1:8-16

Shem Chirtem 1 PUTIPUYANG 1:17-23

Shem Nungi Abraham Tashi 1 PUTIPUYANG 1:24-28

Ishmael Dak Jakzükertem 1 PUTIPUYANG 1:29-31 (Lip.25:12-16)

Ketura Chirtem 1 PUTIPUYANG 1:32-33 (Lip.25:1·4)

Esau Dak Jakzükertem 1 PUTIPUYANG 1:34-37

(Lip.36:1-19)

Seir nung Mezüng Alirtem 1 PUTIPUYANG 1:38-42 (Lip.36:20-30)

Edom Chubatem 1 PUTIPUYANG 1:43-50 (Lip.36:31-43)

Edom Nung Ungertem 1 PUTIPUYANG 1:51-54

Israel Chirtem aser Yihuda Dak Jakzükertem  1 PUTIPUYANG 2:1-8 (Lip.29:31-32, 35:16-18, 46:8-25; Rut.4:18-22;, Mat.1:2;6; Luk.3:23-28)

Dawid Jakzükdak 1 PUTIPUYANG 2:9-17

Hezron Dak Jakzükertem 1 PUTIPUYANG 2:18-24

Yerahmeel Dak Jakzükertem 1 PUTIPUYANG 2:25-41

Kaleb Kidong 1 PUTIPUYANG 2:42-55

Dawid Dak Jakzükertem 1 PUTUPUYANG 3:1-9 (Mat. 1:6-11)

Solomon Dak Jakzükertem 1 PUTUPUYANG 3:10-16

Yehoiakin Dak Jakzükertem 1 PUTUPUYANG 3:17-24

Yihuda Dak Jakzükertem 1 PUTUPUYANG 4:1-10

Tangar Kidong Tarensen 1 PUTIPUYANG 4:11-20

Shela Dak Jakzϋkertem 1 PUTIPUYANG 4:21-23

Simeon dak Jakzükertem 1 PUTIPUYANG 4:24-43 (Lip. 46.10),

Anϋdoklen Alirtem Aridokba 1 PUTIPUYANG 5:25-26

Levi Kidong Temaba Putirtem 1 PUTIPUYANG 6:1-15 (Lip. 46.11)

Levi Kidong Dak Jakzükertem 1 PUTIPUYANG 6:16-30

Tenla Kidang Kentenertem 1 PUTIPUYANG 6:31-30

Aron dak Jakzϋkertem 1 PUTIPUYANG 6:49-53

Levi Nunger Talidak 1 PUTIPUYANG 6:54-81

Naftali Dak Jakzϋkertem 1 PUTIPUYANG 7:13 (Lip. 46.24)

Manase Dak Jakzϋkertem 1 PUTIPUYANG 7:14-19

Efraim Dak Jakzϋkertem 1 PUTIPUYANG 7:20-29

Asher dak Jakzükertem 1 PUTIPUYANG 7:30-40 (Lip. 46.17)

Benjamin Dak Jakzϋkertem 1 PUTIPUYANG 8:1-5 (Lip. 46.21)

Geba Nung 1 PUTIPUYANG 8:6-7

Moab Nung 1 PUTIPUYANG 8:8-10

Ono aser Lud Nung 1 PUTIPUYANG 8:11-13

Aijalon Nung 1 PUTIPUYANG 8:14-16

Yirusalem Nung 1 PUTIPUYANG 8:17-28

Gibeon Nung 1 PUTIPUYANG 8:28-32

Saul Chuba Kinungertem 1 PUTIPUYANG 8:33-40

Tepuokdak Nungi Shilangertem 1 PUTIPUYANG 9:1-9

Yirusalem Nung Levitem 1 PUTIPUYANG 9:10-16

Yirusalem Tenla Ki Kishinükertem 1 PUTIPUYANG 8:17-27

Levi Nunger Tanüngbatem 1 PUTIPUYANG 9:28-34

Saul Chuba Jakzükdak Aser Jakzükertem 1 PUTIPUYANG 9:35-44

Saul Chuba Asüba 1 PUTIPUYANG 10:.1-14

Saul Chuba Asüba 1 PUTIPUYANG 10:.1-14 (1 Sa.31:1-13)

Dawid Chuba Yimsüsϋba 1 PUTIPUYANG 11:1-29:30

(a)    Timtem aser Takok 1 PUTIPUYANG 11:1-22:1

Israel Aser Yihuda Nung Dawid Chuba Akümba 1 PUTIPUYANG 11:1-3 (2 Sa.5:1-7)

Dawidi Yirusalem Atsüngtetba 1 PUTIPUYANG 11:4-9

Dawider Tongtipur Sepaitem 1 PUTIPUYANG 11:10-47 (2 Sa.23:6-39)

Benjamin Kidong Nungi Dawid Dangi Arurtem 1 PUTIPUYANG 12:1-15 (1 Sa.22:1-2)

Yihuda Nungi Benjamin Kidong Aruba 1 PUTIPUYANG 12:16-22

Dawider Sepaitem 1 PUTIPUYANG 12:23-40

Kiriathjearim Nungi Ozüng Süngden Bener Aruba 1 PUTIPUYANG 13:1-14 (2 Sa.6:1-11)

Yirusalem Nung Dawid Mapatem 1 PUTIPUYANG 14:1-17 (2 Sa.5:11-16)

Ozüng Süngden Bener Aotsü Renemba 1 PUTIPUYANG 15:1-24

Ozüng Süngden Yirusalemi Bener Aruba 1 PUTIPUYANG 15:25-16:3 (2 Sa.6:12-22)

Ozüng Süngden Madang Levitem Mapa 1 PUTIPUYANG 16:4-6

Dawidi Tenüngsang Agütsüba Ken 1 PUTIPUYANG 16:7-36 (Tke.96:103, 105:1-15, 106:47-48)

Yirusalem Aser Gibeon Nung Tekülem 1 PUTIPUYANG 16:37-43

Dawid Dangi Nathan Ainkar Osang 1 PUTIPUYANG 17:1-15 (2 Sa.7:18-29)

Dawidi Tenüngsang Agütsüba Ken 1 PUTIPUYANG 17:16-27

Dawidi Takok Anguba 1 PUTIPUYANG 18:1-13 (2 Sa.8:1-8)

Dawider Ketangpurtem 1 PUTIPUYANG 18:14-16 (2 Sa.8:15-18)

Dawider Otongdartem Mezüngmeshiba 1 PUTIPUYANG 19:1-5 (2 Sa.10:1-5)

Ammon Nunger Den Raraba 1 PUTIPUYANG 19:6-15 (2 Sa.10:6-12)

Tsükchir Madak Takok Anguba 1 PUTIPUYANG 19:16-19 (2 Sa.10:13-19)

Dawidi Rabba Amakba 1 PUTIPUYANG 20:1-3 (2 Sa.12:26-31)

Filistia Nunger Den Raraba 1 PUTIPUYANG 20:4-8 (2 Sa.21:15-22)

Dawidi Nütsüng Yongsük Züngdangba 1 PUTIPUYANG 21:1-6 (2 Sa.24:1-15)

Tashitak Wara 1 PUTIPUYANG 21:7-17

Tenladak Sabang Aser Tarongba Tenla 1 PUTIPUYANG 21:18-22:1 (2 Sa.24:18-25)

(b)   TenIa Ki Yanglutsü Terenemba 1 PUTIPUYANG 22:2-29:30

Tenla Ki Yanglutsü Terenemba 1 PUTIPUYANG 22:2-19

Levi Kidong Mapatem 1 PUTIPUYANG 23:1-32

Putirtem Mapa 1 PUTIPUYANG 24:1-19

Tanüngba Levi Kidongtem 1 PUTIPUYANG 24:20-31

Tenla Kidang Kentenertem 1 PUTIPUYANG 25:1-31

Süngküm Anükertem 1 PUTIPUYANG 26:1-19

Tanga Mapa Inyakertem 1 PUTIPUYANG 26:20-28

Tanüngba Levitem Mapa 1 PUTIPUYANG 26:29-32

Sepai Telok Telemsa Tanishirtem 1 PUTIPUYANG 27:1-15

Kidong Shia Madak Tanishirtem 1 PUTIPUYANG 27:16-24

Chuba Tongti Ketangsürtem 1 PUTIPUYANG 27:25-31

Chubar Shisa Tuyurtem 1 PUTIPUYANG 27:32-34

Tenla Ki Atema Dawid Tebilemba 1 PUTIPUYANG 28:1-21

Tenla Ki Asoshi Temulunger Tenla 1 PUTIPUYANG 29:1-9

Dawidi Tsüngrem Tenüng Asangba 1 PUTIPUYANG 29:10-22

Solomom Chuba Shimba 1 PUTIPUYANG 29:23-25

Dawid Yimsüsüba O-mulung 1 PUTIPUYANG 29:26-30

1 PUTIPUYANG 1

Adam Nungi Abraham Tashi

(Lip. 5.1-32; 10.1-32; 11.10-26; Luk. 3.34-38)

1Adam, Set, Enos; 2Kenan, Mahalalel, Yared; 3Enok, Methusela, Lamek: 4Noa, Shem, Ham, aser Yafet.

Yafet Chirtem

5Yafet chirtem: Gomer, Magog, Madai, Yavan, Tubal, Meshek, aser Tiras. 6Gomer chirtem: Askenaz, Rifat, aser Togarma. 7Yavan chirtem: Elisha, Tarshis, Kittim, aser Rodamim.

Ham Chirtem

8Ham chirtem: Kush, Ijip, Put aser Kanan, 9Kush chirtem: Seba, Havila, Sabta, Raama, aser Sabteka. Raama chirtem: Sheba aser Dedan. 10Nimrod tebu Kush liasü; alima nung pa tashi tulu asütsü tenzük. 11Aser Ijip nungi Ludim, Anamim. Lehabim, Naftuhim. 12Pathrusim, Kasluhim, “yang nungjagi Filistia nunger aru” aser Kafthorim jakzük. 13Kanan Sidon pa mezüng asoba, aser Het, 14aser Yebus nunger, Amor nunger. Girgas nunger, 15Hiv nunger, Ark nunger, Sin nunger, 16Arvad nunger. Zemer nunger, aser Hamat nunger jakzük.

Shem Chirtem

17Shem chirtem: Elam, Asshur, Arfakshad, Lud, Aram, Uz, Hul, Gether aser Meshek. 18Arfakshad nungi Shela jakzük, aser Shela nung Eber jakzük. 19Eber nem jabaso ana sotsü; ka tenüng Peleg liasü, kechiyong pa anogo nung alima lemsa, aser tenu Yoktan liasü. 20Yoktan nungi Almodad, Shelef, Hazarmavet, Yara 21Hadoram, Uzal, Dikla, 22Ebal, Abimael, Sheba, 23Ofir, Havila aser Yobab jakzük. Item ajak Yoktan jabasotem liasü.

Shem Nungi Abraham Tashi

24Shem, Arfakshad Shela; 25Eber, Peleg, Reu; 26Serug, Nahor, Tera: 27Abram (aji Abraham). 28Abraham chirtem: Isak aser Ishmael.

Ishmael Dak Jakzükertem

(Lip. 25.12-16)

29Itemi parnok kin jakzükba lir: Ishmael mezüng chir Nebaiot: aser Kedar, Adbel, Mibsam, 30Mishma, Duma, Massa, Hadad, Tema, 31Yetur, Nafis, aser Kedema. Item Ishmael jabasotem lir.

Ketura Chirtem

(Lip. 25.1-4)

32Abraham tezüngatsü Ketura jabasotem: lai Zimran, Yokshan, Medan, Midian, Ishbak, aser Shua aso. Yoksham jabasotem: Sheba aser Dedan. 33Midian jabasotem: Efa, Efer, Hanok, Abida aser Elda. Item ajak Ketura nungi jakzükba liasü.

Esau Dak Jakzükertem

(Lip. 36.1-19)

34Abraham nungi Isak jakzük. Isak chirtem: Esau aser Israel.

35Esau chirtem: Elifaz, Reuel, Yeus, Yalam aser Kora. 36Elifaz chirtem: Teman, Omar, Zefi, Gatam, Kenaz, Timna, aser Amalek. 37Reuel chirtem: Nahat, Zera, Shamma, aser Mizza.

Seir Nung Mezüng Alirtem

(Lip. 36.20-30)

38Seir chirtem: Lotan, Shobal, Zibeon, Ana, Dishon, Ezer, aser Dishan. 39Lotan chirtem: Hori aser Homam aser Lotan teyi Timna liasü. 40Shobal chirtem: Alian, Manahat, Ebal, Shefi aser Onam. Zibeon chirtem: Aia aser Ana. 41Ana chir: Dishon. Dishon chirtem: Hamran, Eshban, Ithran, aser Keran. 42Ezer chirtem: Bilhan, Zavan, aser Akan. Dishan chirtem: Uz aser Aran.

Edom Chubatem

(Lip. 36.31-43)

43Tang Israel nunger madak shinga mechuba dang Edom lima nung item chubai yimsü asü. Beor chir Bela, aser pa yimti tenüng Dinhaba liasü. 44Kodang Bela asü, Borza nunger Zera jabaso Yobab pa melen chuba. 45Kodang Yobab asü, Teman nunger lima nungi Husham pa melen chuba. 46Kodang Husham asü, Bedad chir Hadad, shibai Moab lima nung Midian akok, pa melen chuba, aser pa yimti tenüngji Avit liasü. 47Kodang Hadad asü, Masreka nunger Samlai pa melen chuba. 48Kodang Samla asü, Rehobot nunger Shauli Eufrata nung pa melen chuba. 49Kodang Shaul asü, Akbor chir Baalhanan pa melen chuba. 50Kodang Baalhanan asü, Hadadi pa melen chuba; aser pa yimti tenüngji Pau liasü aser pa kibutsü tenüng Matred jala. Mezahab semchir, Mehatabel liasü.

Edom Nung Ungertem

51Hadad sür külen Edom nung unger itemi liasü. Timna, Alia, Yethet. 52Oholibama, Ela, Pinon, 53Kenaz, Teman, Mibzar, 54Magdiel aser Iram. Itemji Edom nung unger liasü.

1 PUTIPUYANG 2

Israel Chirtem aser Yihuda Dak Jakzükertem

(Lip. 29.31-32; 35.16-18; 46.8-25; Rut. 4.18-22; Mat. 1.2-6; Luk. 3.23-28)

1Itemi Israel chir: Reuben, Simeon, Levi, Yihuda, Issakar, Zebulun, 2Dan, Yosef, Benjamin, Naftali, Gad, aser Asher.

3Yihuda chirtem: Er, Onan, aser Shela; par asemji Kanantsür Shuai pa nem sotsü. Tang Er, Yihuda mezüng chir, Kibuba madang tamajung liasü, anungji Kibubai pa tepset. 4Par chir kibutsü Tamari pa nem Perez aser Zera sotsü. Ajak agi Yihuda jabaso pungu liasü.

5Perez chirtem: Hezron aser Hamul. 6Zera chirtem: Zimri, Ethan, Heman, Kalkol, aser Dara; ajak agi pungu. 7 Karmi chirtem: Akar, Israel nem timtem agütsüsang, shibai bendanga agütsüba oset nung met ayim. 8Aser Ethan jabaso Azaria liasü.

Dawid Jakzükdak

9Hezron nem sotsüba chirtem: Yerahmeel, Ram, aser Kalib. 10Ram nungi Amminadab jakzük, aser Amminadab nungi Nashon jakzük, shiba Yihuda nunger tongtipur liasü. 11Nashon nungi Salma jakzük, aser Salma nungi Boaz jakzük; 12Boaz nungi Obed jakzük, aser Obed nungi Yesse jakzük. 13Yesse nungi mezüng asoba Eliab jakzük, tanabubaji Abinadab, tasembubaji Shimea, 14pezübubaji Nethanel, pungububaji Raddai, 15trokbubaji Ozem, tenetbubaji Dawid; 16aser parnok aianutemji Zeruia aser Abigail. Zeruia chirtem: Abishai, Yoab aser Asahel, par asem. 17Abigaili Amasa aso; aser Amasa tebuji Ishmael nunger Yether liasü.

Hezron Dak Jakzükertem

18Hezron chir Kaleb tebutsü Azubai tetsür ka sotsü, la tenüng Yeriot liasü. Lai tebur asem sotsü: Yesher, Shobab aser Ardon. 19Kodang Azuba asü, Kalebi Efrat agi, shibai pa nem Hur sotsü. 20Hur nungi Uri jakzük, aser Uri nungi Bazalel jakzük.

21Tesülen Gilead tebu Makir jala dangi Hezron ai, shiba pai pa küm roker akümdang agi: aser lai pa nem Segub sotsü. 22Segub nungi Jair jakzük; pa Gilead lima nung yimti metsür asem madak yimsüsür liasü. 23Saka Geshur aser Arami parnok nungi Havvothjair, Kenat aser iba yimtem, oda yimti roker agi. Item ajak Makir, Gilead tebu nungi jakzükbatem. 24Aser Hezron sür külen, Kalebi tebu Hezron kibutsü Efrat dangi ai, aser lai pa nem Tekoa tebu Ashur sotsü.

Yerahmeel Dak Jakzükertem

25Hezron mezüng chir Yerahmeel chirtem; Ram mezüng asoba, Buna, Oren, Ozem, aser Ahija. 26Yerahmeel ano kibutsü tanga ka liasü, la tenüng Atara; la Onam tetsü liasü. 27Yerahmeel mezüng chir Ram jabasotem: Maaz, Yamin, aser Eker. 28Onam chirtem: Shimmai aser Yada. Shammai chir: Nadad aser Abishur.

29Abishur kibutsü tenüng Abihail liasü, aser lai Ahban aser Molid pa nem sotsü. 30Nabad chirtem: Seled aser Appaim: saka chirnur metoktsüi Seled asü. 31Appaim chir: Ishi. Aser Ishi chir: Sheshan. Sheshan chir: Ahlai. 32Shemmai adianu Yada chirtem: Yether aser Yonathan; aser Yether techir meli-i asü. 33Yonathan chirtem: Pelet aser Zaza. Itemi Yerahmeel chirtem liasü. 34Tang Sheshan jabaso mali, jalatem dang liasü; saka Sheshan Ijip nunger alar ka liasü, pa tenüng Yarha. 35Sheshani pei jala par lar Yarha nem agidaktsü, aser lai pa nem Attai sotsü. 36Aser Attai nungi Nathan jakzük, aser Nathan nungi Zadad jakzük, 37Zadad nungi Eflal jakzük, aser Eflal nungi Obed jakzük; 38Obed nungi Yehu jakzük, aser Yehu nungi Azaria jakzük; 39Azaria nungi Helez jakzük, aser Helez nungi Eleasa jakzük, 40Eleasa nungi Sismai jakzük, aser Sismai nungi Shallum jakzük; 41Shallum nungi Yakamia jakzük, aser Yakamia nungi Elishama jakzük.

Kaleb Kidong

42Yerahmeel adianu Kaleb chirtem Mesha, par mezüng asoba, shiba Zif tebu liasü; aser Hebron tebu Maresha chirtem. 43Hebron chirtem: Kora Tapua, Rekem, aser Shema. 44Shema nungi Yorkeam tebu Raham jakzük, aser Rekem nungi Shammai jakzük. 45Shammai chir Maon liasü, aser Bethzur tebu Maon liasü, 46Ano Kaleb tezüngatsü Efai, Haran, Moza aser Gerez aso; aser Haran nungi Gazed jakzük. 47Yahdai chirtem: Regem, Yotham, Geshan, Pelet, Efa, aser Shaaf. 48Kaleb tezüngatsü Maakai, Sheber aser Tirhana aso. 49Lai ano Madmanna tebu Shaaf, Makbena tebu Sheva aser Gibea tebu aso; aser Kaleb jalaji Aksa liasü. 50Itemi Kaleb nungi jakzükba liasü; Hur chirtem, Efratha nungi mezüng asoba, Shobal, Kirijathjearim tebu. 51Bethlehem tebu Salma, Bethgader tebu Haref. 52Kirijathjearim tebu Shobal jabaso tanga liasü: Haroi, Manuhet tesadang. 53Kirijathjearim kidongtem: Ithri nunger, Put nunger, Shumat nunger, aser Mishra nunger: item nungi Zorat aser Eshtaul nunger aru. 54Salma chirtem Bethlehem, Netofat nunger Atarobethyoab, aser Manahet nunger tesadang, Zor nunger, 55Yebez nung aliba kidong tezülurtem nungia: Tirat nunger, Shimeat nunger, aser Sukat nunger. Itemi Rekab kidong tebu Hammat nungi arur Ken nunger lir.

1 PUTIPUYANG 3

Dawid Dak Jakzükertem

(Mat. 1.6-11)

1Itemi Dawid jabaso, Hebron nung pa nungi jakzükba lir: mezüng asoba Amnon, Yezreel tsür, Ahinoam nungi; tanabubaji Daniel, Karmeltsür Abigail nungi; 2tasembubaji Absalom, tetsüji Geshur chuba Talmai jala Maaka liasü; pezübubaji Adonija, tetsüji Haggit liasü; 3pungububaji Shefatia, Abital nungi; trokbubaji Ithream, tebutsü Egal nungi; 4 Item tanur trokji Hebron nung Dawidi küm tenet ser ita trok yimsü asüdang pa nem sotsü aser pai Yirusalem nung küm semer asem chuba. 5 Itemi Yirusalem nung pa nem sotsü: Shimea, Shobab, Nathan, aser Solomon, Ammiel jala Bathsheba agi pezü sotsü. 6Aser Ibhar, Elishama, Elifelet, 7Noga, Nefeg. Yafia. 8Elishama, Eliada, aser Elifetel, parnok tuku. 9Tezüngatsütem chirnur medeni item ajaki Dawid chir liasü: aser Tamarji parnok aianu liasü.

Solomon Dak Jakzükertem

10Solomon chirtem: Rehoboam, par chir Abia, par chir Asa. Par chir Yehoshafat; 11par chir Yoram, par chir Ahazia, par chir Yoas; 12par chir Amazia, par chir Azaria, par chir Yotham; 13par chir Ahaz, par chir Hezekia aser par chir Manase, 14par chir Amon, par chir Yosia. 15Yosia chirtem: mezüng asoba Yohanan, tanabuba Yehoiakim, tasembuba Zedekia, pezübuba Shallum. 16Yehoiakim chirtem: par chir Yekonia, par chir Zedekia.

Yehoiakin Dak Jakzükertem

17Tepuokdaki bener aoba Yekonia chirtem: Assir aser Shealtiel, 18par chir Malkiram, Pedaia, Shenazzar; Yejamia, Hosama aser Nedabia. 19Aser Pedaia chirtem: Zerubbabel aser Shimei; Zerubbabel chirtem: Meshullam Hanania aser Shelomitji parnok aianu liasü; 20aser Hashuba. Ohel, Berekia, Hasadia aser Yushabhesed, par pungu. 21Hanania chir; Pelatia aser Yesaia; par chir Refaia, par chir Aranan, par chir Obadia, par chir Shekania. 22Shekania chir: Shemaia. Aser Shemaia chirtem: Huttush, Igeal, Baria, Nearia, aser Shafat, par trok. 23Nearia chirtem: Elioenai, Hezekia, aser Azrikam, par asem. 24Elioenai chirtem: Hodaia, Eliashib, Pelaia, Akkub, Yohanan, Dalaia aser Anani, par tenet.

1 PUTIPUYANG 4

Yihuda Dak Jakzükertem

1Yihuda chirtem: Farez, Hezron, Karmi, Hur, aser Shobal. 2Shobal chir Reai nungi Yahat jakzük, Yahatji Ahumai aser Lahad tebu liasü. Itemi Zorat kinunger liasü. 3Itemi Etam chir liasü; Yezreel, Ishma, aser Idbas; aser parnok aianu tenüng Hazzelelponi, 4aser Penuelji Gedor tebu liasü, aser Ezerji Husha tebu. Bethlehem tebu Efratha nungi mezüng asoba. Hur chir itemi liasü.

5Ashur, Tekoa tebu, kibutsü ana liasü, Hela aser Naara; 6Naarai pa nem Ahuzam. Hefer, Temeni, aser Haahashtari sotsü. Itemi Naara chir liasü. 7Hela chirtem: Zeret, Yezoar, aser Ethnan, 8Kozji Anub, Zobeba, aser Harum chir Aharhel kidong, tebu liasü.

9Yabezji pa adianutem dang nungi tali tushia liasü; aser pa tetsüi pa tenüng Yabez ta aja, kechiaser pa asodang la kanga kangshia liasü. 10Yabezi Israel Tsüngrem dang jaa ashi, “Oh, nai ni moajang aser kü litsü ulushidakjangma, aser ne ket kü den liangma, aser ni mejashitsüsa nai ni timtem nungi sotangma!” Aser pai kechi asüngdang Tsüngremi mela.

Tangar Kidong Tarensen

11Shua adianu Kelub nungi Mehir jakzük, pa Eshton tebu liasü. 12Eshton nungi Bethrata, Pasea, aser Tehinna, Irnahas tebu jakzük. Itemi Reka nisung lir. 13Kenaz chirtem: Othniel aser Seraia; aser Othniel chirtem: Hathat aser Meonothai. 14Meonothaiji Ofra tebu liasü; aser Seraia nungi Karashim tebu Yoab jakzük; kechiaser parnok inyakshirtem. 15Yefune chir Kaleb chirtem: Iru, Ela, aser Naam; aser Ela chir: Kenaz. 16Yaheleel chirtem: Zif, Zifa, Tiria aser Asarel.

17Ezra chirtem: Yether, Mered, Efer, aser Yalon. Itemi Meredi agiba Farao jala, Bithla chirtem lir; aser la mashisa aküm aser Miriam, Shammai, aser Ishba Eshtemoa tebu aso. 18Aser tebutsü Yihudatsür jagi Gedor tebu Yered, Soko tebu Heber, aser Zanoa tebu Yehuthiel aso.

19Naham aianu Hodia kibutsü chirtemji, Garmi nunger Keila tebu, aser Maakat nunger Eshtemoa. 20Shimon chirtem: Ammon, Rinna, Ben-hanan, aser Tilon. Ishi chirtem: Zohet aser Ben-zohet.

Shela Dak Jakzükertem

21Yihuda chir Shela chirtem: Leka tebu Er, Maresha tebu Laada, aser Bethashbea nung kümpa sü tajung inyaker kidong par kinunger; 22aser Yokim, Kozeba nisungtem, Yoas, Saraf, shirnoki Moab nung yimsü asü aser Lehemi meyip (item otsüji kanga tejen). 23Itemi poteper aser Netaim aser Gedera nung alirtem: parnok yangi chuba den par mapa asoshi ali.

Simeon Dak Jakzükertem

(Lip. 46.10)

24Simeon chirtem: Nemuel, Yamin, Yarib, Zera, Shaul; 25par chir, Shallum par chir Mibsam, par chir Mishma. 26Mishma chirtem: par chir Hammuel par chir Zakur, par chir Shimei. 27Shimei jabaso tertrok aser jala trok liasü; saka par adianutem techir aikabo maliasü, mesüra Yihuda kidong amabo parnok kinunger mezüin.

28  Parnok Beersheba, Molada, Hazarshual, 29Bilha, Ezem, Tolad, 30Bethuel, Horma, Ziklag, 31Bethmarkabot, Hazarsusim, Bethbirei, aser Shaaraim, nung ali. Itemi Dawid chubaba tashi parnok yimtem liasü. 32Parnok yimtemji Etam, Ain, Rimmon, Token, aser Ashan, yimti pungu 33Item yimti meketa Baal tashi oa parnok yim ajak dena liasü. Itemi parnok yimküm liasü, aser parnoki kidong otsü zülua ayu.

34Meshobab, Yamlek, Amazia chir Yoshah, 35Yoel, Yoshibia chir Yehu, Seraia chir, Asiel chir, 36Elioenai, Yakoba, Yeshohaia, Asaia, Adiel, Yesimiel, Benia. 37Shifi chir Ziza, Allon chir, Yedaia chir, Shimri chir, Shemaia chir, 38item tenüng agüja alibaji parnok kinunger tongtipurtem liasü, aser parnok tebu kidong jenti renlok. 39Parnok shiruru telok asoshi chiyimdak bushia, Gedori ailen lenmang tashi parnok ao. 40Kodang parnoki chiyimdak teperi aser tajung angu, alimaji kanga tesadem, ajemajemer, aser sünepsünepa liasü, kechiaser yangji tamapur alirtemji Ham nunger liasü.

41Item tenüng zülua alirtemji Yihuda chuba Hezekia tendak arua liasü. Parnoki Ham nunger parnok talidak aser Meun nungerji meshimeshia samatsü koba tanü tashi yamaji lir. Iba sülen parnok talidak parnoki ali, kechiaser yangji parnok shiruru telok asoshi chiyimdak liasü. 42Simeon nunger nisung noklang pungu Seir tenemi ao. Parnok tanishirtemji: Pelatia, Nearia, Refaia aser Uzziel Isha chirtem liasü. 43Parnoki Amalek nunger tejentetertemji tepset aser yangji tanü tashi alir.

1 PUTIPUYANG 5

Reuben Dak Jakzükertem

(Lip. 46.8-9)

1  Israel tambusang Reuben chirtem kechiyong pa tambu liasü; saka pai tebu yipten menentsü nung, pa tambu shilem, Israel chir Yosef chirtem nem agütsü, anungji pa kidong otsü nung mezülu.

2  Yihuda pa adianu rongnung tashi ita kümaka aser pa nungi yimsüsürji adokaka, tambu shilembo Yosef meyong aküm. 3Israel tambusang Reuben chirtem: Hanok, Pally, Hezron, aser Karmi, 4Yoel chirtem: par chir Shemaia, par chir Gog, par chir Shimei, 5par chir Mika, par chir Reaia, par chir Baal; 6 par chir Bera, shiba Asiria chuba Tigath-pileseri pur oadok; Reuben nunger rongnung pa tanishir liasü. 7Aser par adianutem parnok kinunger, parnok pututem kidong otsü sükdangtepba tongtibaji Yeiel, aser Zekaria, 8aser Azaz chir Bela, Shema chir, Yoel chir, shiba Aroer nung Nebo aser Baalmeon tonga oa ali. 9Ano pa anüdoklen tsütsü Eufrata ayong nungi arem leni ailen tashi ali, kechiaser parnok kiset shiruru telok Gilead lima nung renloka aküm, 10aser Saul tendak parnoki Hagar nunger den rara, shirnok parnok ket nung tsük; aser Gilead anüdoklen ajak parnok süki nung parnok ali.

Gad Dak Jakzükertem

11Gad chirtem parnok jakdang Bashan lima nung Salka tashi oa ali. 12Tongtiba Yoel, tanabuba Shafam, Yanai, aser Bashan nung Shafat. 13Parnok tebu nunger nungi jakzükbatem: Maikel, Meshullam, Sheba, Yorai, Yakan, Zia, aser Eber, par tenet. 14Itemi Huri chir Abihail chirtem liasü, Yaroa chir Gilead chir, Maikel chir, Yeshishai chir, Yado chir, Buz chir; 15Abdiel chir Ahi, Guni chir, parnok tebu nungi jakzükba tongtiba. 16Parnok Bashan nung Gilead nung, aser iba yimtitem nung, aser Sharon chiyimdak linük ajak nung parnok litsü tashi ali. 17Yihuda chuba Yotham tendak Israel chuba Yeroboam tendak item ajak kidong otsü zülua ayu.

Anüdoklen Kin Temerangertem

18Reuben, Gad aser Manase kidong tesadang, tasü tait nisungtem, jong aser nok abentsü akokba nisungtem, aser lijak agi akatsü akokba, aser rara nung mongyin, parnok meyi lirpezü, noklang tenet ser roker, rarai aotsü akokertem liasü. 19Parnoki Hagar, Yetur, Nafis aser Nodab nunger anema rara. 20Kodang parnok anema parnoki teyari angu, Hagar nunger aser idakji alir ajak parnok ket nung agütsü; kechiyong tongbang nung parnoki Tsüngrem dang ayimten, aser parnoki mepishiba pai agütsü, kechiaser parnoki pa dak temulung alem. 21Parnok kiset shiruru parnoki bener ao; parnok ut meyi tenem, san meyi noklang ana ser tenem, gado meyi ana, aser nisung taküm meyi noklang ka. 22Kechiyong aika laoa tepset, kechiaser raraji Tsüngrem nungi liasü. Aser parnok pur mao tashi parnok idakji ali.

Manase Litsü Anüdoklen Nisungtem

23Manase kidong tesadang nüburji alinük nungji ali; parnok Bashan nungi Baal-hermon, Senir, aser Hermon tenem tashi züin. 24Itemji parnok tebu nunger nungi jakzükba tongtipurtem liasü; Efer, Ishi, Eliel, Azriel, Yerimia, Hodavia, aser Yahdiel, tashi tulu temeranger, nüngtugu nisung, tebu nunger nungi jakzükba tongtipurtem liasü.

Anüdoklen Alirtem Aridokba

25Saka parnoki tebu nunger Tsüngrem anema ozüng raksa, aser Tsüngremi parnok jakdang samatsüba linük nung alir tsüngremtem sülen jabujaria oadok. 26 Anungji Israel Tsüngremi Asiria chuba Pul pa shisatsü ajongmeso, aser pai Reuben, Gad, Manase kidong tesadang tepuokdaki bener ao. Pai parnokji Hala, Habar, Hara aser Gozan ayongi anir arua tanü tashi alir.

1 PUTIPUYANG 6

Levi Kidong Temaba Putirtem

(Lip. 46.11)

1Levi chirtem: Gershon, Kohat, aser Merari. 2Kohat chirtem: Amram, Izhar, Hebron, aser Uzziel. 3Amram chirtem, Aron, Mosa, aser Miriam. Aron chirtem: Nabad, Abihu, Elezar, aser Ithamar. 4Eleazar nungi Finehas jakzük, Finehas nungi Abishua jakzük. 5Abishua nungi Bukki jakzük, Bukki nungi Uzzi jakzük, 6aser Uzzi nungi Zerahia jakzük, Zerahia nungi Meraiot jakzük, 7Meraiot nungi Amaria jakzük, Amaria nungi Ahitub jakzük. 8Ahitub nungi Zadok jakzük, Zadok nungi Ahimaaz jakzük, 9Ahimaaz nungi Azaria jakzük, aser Azaria nungi Yohanan jakzük. 10Yohanan nungi Azaria jakzük (Yirusalem nung Solomoni yangluba kidang putir ama tenzükbaji pa liasü), 11Azaria nungi Amaria jakzük, Amaria nungi Ahitub jakzük, 12Ahitub nungi Zadok jakzük, Zadok nungi Shallum jakzük, 13Shallum nungi Hilkia jakzük, Hilkia nungi Azaria jakzük; 14Azaria nungi Seria jakzük, Seria nungi Yehozadak jakzük; 15aser Kibubai Yihuda aser Yirusalem tepuokdaki Nebukadnezzar ket agi yokdang Yehozadak tepuokdaki ao.

Levi Kidong Dak Jakzükertem

16  Levi chirtem: Gershom, Kohat aser Merari. 17Aser ya Gershom chirtem tenüng: Libni aser Shimei, 18Kohat chirtem; Amram, Izhar, Hebron aser Uzziel. 19Merari chirtem: Mahli aser Mushi. Item Levi nunger kinunger parnok tebu nunger nungi lir. 20Gershom nungi: par chir Libni, par chir Yahat, par chir Zimma, 21par chir Yoa, par chir Iddo, par chir Zera, par chir Yeaterai. 22Kohat chirtem: par chir Amminadab, par chir Kora, par chir Assir, 23par chir Elkana, par chir Ebiasaf, par chir Assir, 24par chir Tahat, par chir Uriel, par chir Uzzia, par chir Shaul. 25Elkana chirtem: Amasai, aser Ahimot. 26Par chir Nahat; 27par chir Eliab, par chir Yeroham, par chir Elkana. 28Samuel chirtem: tambusang Vashni, tanabuba Abia. 29Merari chirtem: Mahli, par chir Libni, par chir Shimei, par chir Uzza, 30par chir Shimea, par chir Haggia, par chir Asaia.

Tenla Kidang Kentenertem

31 Kibuba kidang temeshi süngden yur külen, item nisung ya kentenertem asütsü Dawidi ayuba lir. 32Yirusalem nung Solomoni Kibuba ki meyanglu tashi, parnoki sentep süki nung tekülemdak süki madang parnoki ken agi tenzük; aser parnoki tatongi shia pei mapa inyak. 33Teinyaker nisung aser parnok chirtemji ya lir. Kohat nunger chirtem: Samuel jabaso Yoel chir ken atener Heman; 34Elkana chir, Yeroham chir, Eliel chir, Toa chir, 35Zuf chir. Elkana chir, Mahat chir, Amasai chir, 36Elkana chir, Yoel chir, Azaria chir, Zefania chir, 37Tahat chir, Assir chir, Ebiasaf chir, Kora chir, 38Izhar chir, Kohat chir, Levi chir, Israel chir. 39Pa adianu Asaf, shiba pa teka tajichilen noktak, Beraka chir, Shimea chir.

40Maikal chir, Baaseia chir, Malkia chir, 41Ethni chir, Zera chir, Adaia chir, 42Ethan chir, Zimma chir, Shimei chir. 43Yahat chir, Gershom chir, Levi chir. 44Tabelenlen par adianu Merari chirtem: Kishi chir Ethan, Abdi chir, Malluk chir, 45Hashabia chir, Amazia chir, Hilkia chir, 46Amzi chir, Bani chir, Shamer chir, 47Mahli chir, Mushi chir, Merari chir, Levi chir. 48Par adianu Levi nunger Tsüngrem kidang tekülemdak süki mapa ajak asoshi shimteta liasü.

Aron Dak Jakzükertem

49Saka Aron aser par chirtemi tarongba tenla madak aser teronem menemba tenladak madak ajak dang temeshidak mapa ajak atema, aser Tsüngrem tenzüker Mosai melaba ajak ama, Israel asoshi temenen pungtoktsü tenla agütsü. 50Ya Aron chirtem lir: par chir Eliazar, par chir Finehas, par chir Abishua, 51Par chir Bukki, par chir Uzzi, par chir Zerahia, 52par chir Meraiot, par chir Amaria, par chir Ahitub, 53par chir Zadok, par chir Ahimaaz.

Levi Nunger Talidak

54Itemi parnok litsü kübok parnok talidak alibaji lir; Aron chirtem, Kohat nunger kinunger, kechiyong parnok aji agi ata, 55parnok nem Yihuda lima nung iba temeket par lushi dena Hebron agütsü. 56Saka yimti moaputemji aser iba yimtitemji Yefune chir Kaleb nem agütsü. 57Aron chirtem nem parnoki tejenokdak yimtitem agütsü: Hebron, Libna par lushi dena, Yattir, Eshtemoa aser par lushi dena, 58Hilen par lushi dena, Debir aser par lushi dena, 59Ashan, par lushi dena, aser Beth-shemes, par lushi dena. 60Benjamin kidong nungi Geba, par lushi dena; Alemet, par lushi dena, Anathot, par lushi dena parnok kinunger ajonga nung parnok yimti terasem liasü.

61Kohat nunger tanüngba nemji Manase kidong tesadang aliba linük nungi yimti ter agütsü. 62Gershom chirtem nem, parnok kinunger yongsük agi, Issakar, Asher aser Naftali kin nungi, Bashan nung Manase kin nungi yimti terasem agütsü. 63Merari chirtem nem parnok kinunger yongsük agi, Reuben, Gad aser Zebulun kin nungi, yimti terana. 64Anungji Israel chirtemi Levi nunger nem yimtitemji, lushi dena agütsü. 65Parnoki ano Yihuda, Simeon, aser Benjamin kintem nungi tenüng agüja aliba item yimti lemzüka agütsü.

66Kohat chir karbo Efraim kin nungi parnok yimtitem litsü agütsü. 67Parnok nem tejenokdak yimtitem agütsü: Shekem, Efraim tenem lima nung par lushi dena; Gezer, par lushi dena; 68Yokmeam, par lushi dena, Bethoron, par lushi dena. 69Aijalon, par lushi dena. Gath-rimmon, par lushi dena, 70aser Manase tesadang kin nungi, Anir, par lushi dena, aser Bileam, par lushi dena, Kohat chirtem tanüngba kinunger asoshi agütsü. 71Gershon chirtem nem Manase kin tesadang kinunger nungi Bashan nung Golan, par lushi dena, aser Ashtarot, par lushi dena agütsü; 72aser Issakar kin nungi; Kedesh par lushi dena, Daberat, par lushi dena, 73Ramot, par lushi dena, aser Anem, par lushi dena; 74Asher kin nungi: Mashal, par lushi dena; Abdon, par lushi dena, 75Hukok, par lushi dena aser Rehob, par lushi dena; 76aser Naftali kin nungi: Galil nung Kedesh, par lushi dena, Hammon par lushi dena aser Kiriathaim, par lushi dena agütsü. 77Tanüngba Merari nunger nem Zebulun kin nungi lemzüktsü: Rimmon par lushi dena, Tabor par lushi dena, 78aser Yeriko nung Yordan atena oa, Yordan anüdoklen nung, Reuben kin nungi; arem nung Bezer par lushi dena, aser Yahza lushi dena, 79Kedemot, par lushi dena, aser Mefaat par lushi dena agütsü. 80Gad kin nungi: Gilead nung Ramot par lushi dena, Mahanaim par lushi dena, 81Heshbon par lushi dena, aser Yazer par lushi dena agütsü.

1 PUTIPUYANG 7

Issakar Dak Jakzükertem

(Lip. 46.13)

1Issakar chirtem: Tola, Pua, Yashub, aser Shimron, par pezü. 2Tola chirtem: Uzzi, Refaia, Yeriel, Yahmai, Ibsam aser Shemuel, parnok kinunger rongnung tongtipurtem, aji Tola; par putu nung temerangertem, Dawid tendak parnok yongsük meyi metsür ana noklang trok. 3Uzzi chirtem: Izrahia; aser Izrahia chirtem: Maikel, Obadia, Yoel aser Ishia, par pungu; parnok ajak tongtipur. 4Parnok dena, parnok putu, tebu nunger kidongtem yongsük agi, rara asoshi arishir telok liasü, meyi semertrok; kechiyong parnok kinungtsür aser techirtem jenti liasü. 5Issakar kinunger parnok sosem ajak agi tashi tulu temeranger meyi tir tenet, kidong otsü nung zülua liasü.

Benjamin Dak Jakzükertem

(Lip. 46.21)

6Benjamin chirtem: Bela, Beker, aser Yediael, par asem. 7Bela chirtem: Ezbon, Uzzi, Uzziel, Yeremot, aser Iri, par pungu; kidong rongnung tongtipurtem, tashi tulu temerangertem; aser parnok kidong otsü nung tenüng züluokbaji meyi metsür ana ser semer pezü liasü.

8Beker chirtem: Zemira, Yoas, Eliezer, Elioenai, Omri, Yeremot, Abija, Anathot, aser Alemet. Item ajak Beker chirtem; 9aser kidong otsü agi tenüng züluba, par putu yongsük agi, parnok tebu nunger kidongtem nung tongtipurtem tashi tulu temerangertem meyi metsü, noklang ana liasü. 10Yediael chir: Bilhan, aser Bilhan chirtem: Yeus, Benjamin, Ehud, Kenaana, Zethan, Tarshis, aser Ahishahar. 11Item ajak Yediael chirtem, tebu nunger kidongtem tongtipurtem, tashi tulu temeranger meyi tertenet noklang ana raratsü terenem. 12Shuppim aser Huppim, Ir chirtem liasü. Aher chir Hushim.

Naftali Dak Jakzükertem

(Lip. 46.24)

13Naftali chirtem: Yahzel, Guni, Yezer aser Shallum, Bilha chir.

Manase Dak Jakzükertem

14Manase chirtem: Asriel, shiba tebutsüi aso; tezüngatsü Aramittsüri Gilead tebu Makir aso. 15Huppim aser Shuppim asoshi Makiri kinungtsü ka agi. Pa aianu tenüngji Maaka liasü aser tanabuba tenüngji Zelo-fehad; aser Zelo-fehad jala liasü. 16Aser Makir kinungtsü Maakai jabaso ka aso, aser lai pa tenüng Peres aja; aser tenu tenüng Sheresh; aser pa jabasotem Ulam aser Rakem liasü. 17Ulam chir: Bedan. Itemi Manase jabaso Makir chir Gilead chirtem liasü. 18Aser pa aianu Hammoleketi Ishod, Abiezer aser Mahala aso. 19Shemida chirtem Ahian, Shekem, Likhi, aser Aniam liasü.

Efraim Dak Jakzükertem

20Efram chirtem: Shuthela, par chir Bered, par chir Tahat, par chir Eleada, par chir Tahat, 21par chir Zadad, par chir Shuthela, Ezer aser Elead, shirnok Gat nisungtem linük nung sensopurtemi tepset, kechiaser parnoki parnok kiset shiruru telok rakzükraktemtsü alu. 22Parnok tebu Efraimi anogo aika mang ayim aser pa adianutemi pa süngzüktsütsü aru. 23Aser Efraimi kinungtsü den medem, aser la mashisa aküm aser jabaso ka aso; aser pai pa tenüng Beria aja, kechiaser par kinunger madak timtem agi tonga liasü.

24Par jala Shera liasü, shibai Bethoron imlang aser yimbang aser Uzzen-sheera yanglu. 25Refa par chir liasü, par chir Reshef, par chir Tela, par chir Tahan, 26par chir Ladan, par chir Ammihud, par chir Elishama, 27par chir Nun, par chir Yihusua. 28Parnok meyong aser talidakji Bethel aser iba temeket yimtem aser anüdoklen Naaran, aser anüolen Gezer aser iba temeket yimtem, Shekem aser iba temeket yimtem, aser Ayya aser iba temeket yimtem; 29ano Manase nunger arrtsü süa, Beth-shean aser iba temeket yimtem, Taanak aser iba temeket yimtem, Megiddo aser iba temeket yimtem, Dor aser iba temeket yimtem. Item nung Israel chir Yosef chirtem ali.

Asher Dak Jakzükertem

(Lip. 46.17)

30Asher chirtem: Imna, Isua, Ishvi, Beria, aser parnok aianu Sera. 31Beria chirtem: Heber aser Malkiel, shiba Birzait tebu liasü. 32Heber nungi Yaflet, Shomer, Hotham, aser parnok aianu Shua jakzük. 33Yaflet chirtem: Pasak, Bimhal, aser Ashvat. 34Pa adianu Shomer chirtem: Ahi, Rohga, Yehubba, aser Aram. 35Pa adianu Helem chirtem: Zofa, Imna, Sheles, aser Amal. 36Zofa chirtem: Sua Harnefer, Shaul, Beri, Imra, 37Bezer, Hod, Shamma, Shilsha, Ithran aser Beera. 38Yether chir Yefune, Pispa, aser Ara. 39Ulla chirtem: Ara, Hanniel, aser Rizia, 40item ajak Asher nisungtem, kinunger rongnung tongtiba, teshimtet tashi tulu temerangertem, tongtipur rongnung tambutem. Parnok kinunger yongsük agi züluba, rara nung tenzüktsü asoshi meyi metsür trok liasü.

1 PUTIPUYANG 8

Benjamin Dak Jakzükertem

(Lip. 46.21)

1Benjamin nungi mezüng asoba Bela jakzük, tanabuba Ashbel, aser tasembuba Ahara; 2pezübuba Noha, pungububa Rafa. 3Aser Bela chir Addar, Gera aser Abihud, 4Abishua, Naaman, Ahoa, 5Gera Shefufan, aser Huram.

Geba Nung

6Itemi Ehud chirtem: itemi Geba nung alir kinunger ren nung tongtipurtem lir, aser parnoki parnok pua bener Manahati ao; 7Naaman, Ahija, aser Gera aji Heglam shiba Uzza aser Ahihud tebu liasü.

Moab Nung

8Pa kinungtsü Hushim aser Baara yoker külen Moab lima nung Shaharaim techirtem ngua liasü. 9Tebutsü Hodes nungi pa chirtem Yobab, Zibia, Mesha, aser Malkam jakzük, aser 10Yeuz, Sakia, aser Mirma. Ya pa chirtem, kinunger ren nung tongtipurtem liasü.

Ono aser Lud Nung

11Hushim nungia pa techirtem jakzük, Abitub aser Elpaal. 12Elpaal chirtem: Eber, Misham, aser Shamed, parnoki Ono aser Lud aser iba temeket yimtem yanglu.

Aijalon Nung

13Aser Beria aser Shema, parnok Aijalon nung alir kinunger den tongtipurtem liasü, parnoki Gat nung alir jenshidaktsü; 14aser Ahio Shashak, aser Yeremot, 15Zebadia, Arad, Eder, 16Maikel, Ishpa, aser Yoha; itemi Beria chirtem lir.

Yirusalem Nung

17Zebadia, Meshulam, Hiziki, Heber. 18Ishmeria, Yezlia, aser Yobad, itemi Elpaal chirtem liasü. 19Yakim, Zikri, Zadbi, 20Elienai, Zilthai, Eliel, 21Adaia, Beraia aser Shimrat, itemi Shimei chirtem liasü. 22Ishpan, Eber, Eliel, 23Abdon, Zikri, Hanan, 24Hanania, Elam, Antothija, 25Ifdeia, aser Penuel; itemi Shashak chirtem liasü. 26Shamsherai, Sheharia, Athalia, 27Yareshia, Elija, aser Zikri, itemi Yeroham chir liasü. 28Itemi parnok putu züngdangba agi kinunger ren tongtipurtem tanishir nisungtem lir: itemi Yirusalem nung ali.

Gibeon Nung

29Gibeon tebu Yeiel Gibeon nung ali aser tebutsü tenüng Maaka. 30Pa chir tambusang Abdon, ajiser Zur, Kis, Baal, Nadab, 31Gedor, Ahio, Zeker, 32aser Miklot, pa Shimea tebu liasü. Tang itemia Yirusalem nung sosem jakdang parnok sosem den ali.

Saul Chuba Kinungertem

33Ner nungi Kis jakzük, Kis nungi Saul jakzük, Saul nungi Yonathan, Malkishua, Abinadab aser Ishbaal jakzük. 34Yonathan chir Merib-baal, aser Mika tebu Merib-baal. 35Mika chirtem: Pithon, Melek, Tarea, aser Ahaz. 36Yihoada tebu Ahaz, Alemet, Azmavet, aser Zimri tebu Yihoada, Moza tebu Zimri. 37Binea tebu Moza; par chir Rafa, par chir Eleasa, par chir Azel. 38Azel jabaso trok liasü, aser itemi parnok tenüng: Azrikam, Bokeru, Ishmael, Shearia, Obadia, aser Hanan ya ajak Azel chirtem liasü. 39Tenu Eshek chirtem: tambusang Ulam, tatongbuba Yeus, aser tasembuba Elifelet, 40Ulam chirtem tashi tulu temerangertem, lijak amertem, techir aser semchirtem jenti, noklang ka ser tenem. Item ajak Benjamin nunger liasü.

1 PUTIPUYANG 9

Tepuokdak Nungi Shilangertem

1Israel ajak kidongren agi zülua liasü; itemi Israel chubatem kaket nung zülua lir. Yihudai tai menaba yong parnok Babiloni pur ao. 2 Tang parnok yimtitem nung parnok meyong nung mezüng alirtemji, Israel putirtem, Levi nunger, aser tenla ki kilirtemji liasü. 3Yirusalem nung Yihuda chirtem, Benjamin chirtem, Efraim aser Manase chirtem ali; 4Ammihud chir Uthai, Omri chir, Imri chir, Bani chir, Yihuda chir, Ferez chirtem. 5Shilon nunger: mezüng asoba Asaia, aser par chirtem. 6Zera chirtem: Yeuel aser par adianutem, noklang trokser tukur. 7Benjamin chirtem: Meshullam chir Sallu, Hodavia chir, Hassenua chir: 8Yeroham chir Ibneia, Uzzi chir Ela, Mikri chir, Shefatia chir Meshullam, Reuel chir, Ibnija chir; 9aser par adianutem parnok puturen agi, noklang tuku ser tenemer trok. Item nisung ajak pei pei kinunger tongtipur liasü.

Yirusalem Nung Levitem

10Putirtemji: Yedaia, Yehoarib, aser Yakin, 11aser Hilkia chir Azaria, Meshullam chir, Zadok chir, Meraiot chir, Ahitub chir, Tsüngrem kidang yimsüsür; 12Yeroham chir Adaia, Pashur chir, Malkija chir, Adiel chir Maasai, Yehzera chir, Meshullam chir; Meshillemit chir, Immer chir; 13parnok sosem dak alema, parnok kinunger tongtipurtem meyi ka noklang tenet ser roker, Tsüngrem kidang tenzükba mapa asoshi kanga tajet nisungtem liasü.

14Levi nungertem: Hasshub chir Shimaia, Azrikam chir, Hashabia chir, Merari chirtem: 15aser Bakbakkar, Heres, Galal, Mika chir Mattania, Zikri chir, aser Asaf chir, 16Shemaia chir Obadia, Galal chir, Yeduthun chir, Asa chir Berekia, Elkana chir, aji Netofat yimtak alirtem.

Yirusalem Tenla Ki Kishinükertem

17Kishinükertem: Shallum, Akkub, Talmon, Ahiman, aser par adianutem: Shallum tongtiba liasü; 18shiba tang tashi anüdoklen chuba süngkhüm nung ali, parnok Levi chirtem tanendak asoshi kiküm anükertem liasü. 19Kora chir Shallum, Abiasaf chir, Kora chir aser pa adianutem, par kinunger, Kora nungertem, tekülemdak süki nung tenzükba aser süngkhüm anükertem mapa madak liasü: aser parnok tebu nunger kiküm anükertem, Kibuba tanendak madak liasü. 20Eleazar chir Finehas parnok madak taoba mapang nung yimsüsür liasü; aser Kibuba pa den liasü. 21Meshelemia chir Zekaria sentep süki kishinüker liasü.

22Item ajak shirnok kiküm nung tanüker asütsü shimtet, noklang ana ser terana liasü. Dawid aser Samuel ainkari parnok pei mapa nung shimteta toktsüba itemi parnok yimtsüng nung kidongren agi yongsük liasü. 23Anungji parnok chirnuri Kibuba ki kiküm aser süki taktang reprang. 24Pezüsülen kiküm anükertem, anüdoklen, anüolen, anüolentip, aser anüdoklentip tsütsü liasü. 25Aser yimtsüng nung parnok adianutem, anogo tenet shia mapang mapang parnok den alitsü arua liasü; 26kiküm anüker tongti pezü, shirnok Levi nunger liasü, mapa telemtet ka nung liasü, aser Tsüngrem kidang taktang aser terizüngdak madak liasü. 27Parnok Tsüngrem ki meketa liasü, kechiaser iba madak parnok ketdang liasü, aser anepdang shia ibai lapoktsü parnok tsüta liasü.

Levi Nunger Tanüngbatem

28Parnok kar tekülemdak chipo anpo madak ketdang liasü; kechiyong itemji parnoki züngdanga bener adokli züngdanga bener aitli ta liasü. 29Parnok karbo ki osettsüset madak, temeshidak chipo-anpo ajak madak, amzü tanük madak, yi, totzü, liangmesen, aser an menemtsü madak ketdang liasü. 30Putir chir kari an menemtsü asoshi amtsük renem. 31Aser Mittithia, Levi nunger rongnung ka, Kora nunger Shallumer chir tambusangji amtsük yangluba nung ketdang liasü. 32 Ano Kohat nunger parnok sosem kar, amungnü shia aji renemtsü asoshi Tsüngrem madang ayuba amtsük madak ketdang liasü.

33Tang itemi ken tener Levi nunger kinunger ren tongtipurtem lir, tanga mapa nungi bendanga tenla ki taktang nung alir, kechiyong anogodok shia parnok pei mapa nung liasü. 34Itemi Yirusalem nung alir, lenirtem, Levi nunger kinunger ren tongtipurtem liasü.

Saul Chuba Jakzükdak Aser Jakzükertem

35Gibeon nung Gibeon tebu Yehiel ali, aser tebutsü tenüng Maaka liasü; 36par chir tambusang Abdon, ajiser Zur, Kis, Baal, Ner, Nadab, 37Gedor, Ahio, Zekaria aser Miklot. 38Miklot nungi Shimeam jakzük. Parnoka par adianutem jakdang par adianu den Yirusalem nung ali. 39Kis tebu Ner liasü, Saul tebu Kis, Saul nungi Yonathan, Malkishua, Abinadab, aser Esh-baal jakzük. 40Yonathan chir Merib-baal aser Merib-baalji Mika tebu liasü. 41Mika chirtem: Pithon, Melek, Tahrea, aser Ahaz. 42Yara tebu Ahaz liasü, aser Yara nungi Alemet, Azmavet, aser Zimri jakzük. Moza tebu Zimri liasü. 43Binea tebu Moza liasü; aser par chir Refaia, Eliasa par chir, Azel par chir. 44Azel chir trok liasü aser ya parnok tenüng: Azrikam, Bokeru, Ishmael, Shearia, Obadia, aser Hanan; itemi Azel jabaso liasü.

1 PUTIPUYANG 10

Saul Chuba Asüba

(1 Sa. 31.1-13)

1Tang Filistia nungeri Israel anema rara, aser Israel nunger Filistia nunger madang ajen, aser Gilboa tenem nung aika tepset. 2Filistia nungeri Saul aser par chirtem menep, aser Filistia nungeri Saul chirtem, Yonathan, Abinadab, aser Malkishua tepset. 3Saul madak tongbang jagi sashia anung, aser lijak amertemi pa angu, aser lijak amertemi pa yirutsü. 4Idangji Sauli pa nok o nü abenba dang ashi, “Item memejeptokertem arua kü dak sensamasaja inyaka lir, ne nok atsütetang, aser aji kü dak ateta setokjang.” Saka pa nok o nü abensangi manga, kechiyong pai kanga tsübu. Anungji Sauli pei nok am, aser pei sasa tsüngset. 5Pa nok o nü abensangi Saul süogo ta angudang pa-a pei nok manung laoa asü. 6Yamaji Saul asü, aser par chir asem, par kibong ajak külemi asü. 7Kodang Israel nisung lenten nung alir ajaki temeranger telok ajenba aser Saul aser par chirtem sür angu, parnoki pei yimti toktsü aser ajen; aser Filistia nunger arua iba nungji ali.

8Tasüngji kodang Filistia nunger mangjok meyipi aru, parnoki Saul aser par chirtem Gilboa tenem nung laoa angu. 9Aser parnoki pa süoshi luzük aser pa tekolak atang, aser pa nok o nü agi, aser parnok süngyanglutem aser nübur dangi osang tajungji abentsü, Filistia nunger limai osang benertem ayimsünga yok. 10Aser parnoki pa nok o nü parnok tsüngremtem tenla ki nung ayu, aser pa tekolak Dagon tenla ki nung sentaka ayu. 11Saka kodang Yabesh-gilead ajaki Filistia nungeri Saul dak inyakba ajak angashi, 12tasü taiter ajak arameso, aser Saul mang aser par chirtem mang bener oa Yabeshi bener aru. Aser parnoki parnok teret Yabes nung sülemdong kübok arem, aser anogo tenet lumi.

13  Yamaji Saul pei temulung malemba asoshi asü, pai Kibuba dang temulung malem, aser Kibuba temelaba mebenshi, aser ano teyari bushia arasentsür temezünger den asüngdangtep, 14aser Kibuba nungi teyari mebushi. Anungji Kibubai pa tepset, aser chuba yimliji Yesse chir Dawid nem meyipa agütsü.

1 PUTIPUYANG 11

Israel Aser Yihuda Nung Dawid Chuba Akümba

(2 Sa. 5.1-7)

1Idangji Israel ajak Hebron nung Dawid dangi adenshia ashi, “Atangji onok ne zü aser ne shi. 2Taoba mapang nung, oda Saul chuba alidanga, Israel anir aosang aser anir arusangji na liasü; aser Kibuba ne Tsüngremi ne dang ashi, ‘Na kü nübur Israel sannüker asütsü, aser kü nübur Israel madak na chuba asütsü.’ ” 3Anungji Israel tambur ajak Hebron nung chuba dangi aru; aser Dawidi parnok den Hebron nung Kibuba madang tezüngzüktepba yanglu, aser Samuel ajanga Kibuba O amato parnoki Israel madak chuba asütsü Dawid dak totzü mezütsü.

Dawidi Yirusalem Atsüngtetba

4  Dawid aser Israel ajak Yirusalem, aji Yebus, kong Yebus nunger ali, iba lima jagi ao. 5Aser Yebus nung alirtemi Dawid dang ashi, “Na yagi maittsü.” Aji saka Dawidi Zion mitsa, aji Dawid yimti agi. 6Dawidi ashi, “Shibaisa Yebus nunger tamasa makdokdir pa tongtiba aser walunir asütsü.” Idangji Zeruia chir Yoab tamasa atu, anungji pa tongtiba aküm. 7Dawid mitsa nung ali; anungji iba dang Dawid yimti ta aja. 8Aser Millo nungi meketa jungjunga lungjema pai yimtiji yanglu; aser Yoabi tanüngba yimtiji yanglushi. 9Dawid tamarenba tamarenba aküm, kechiyong temeranger Kibuba pa den liasü.

Dawider Tongtipur Temerangertem

(2 Sa. 23.6-39)

10Tang Dawider tashi tait nisung tongtipur item lir, parnoki pa nem Israel ajak den külemi, Israel indang Kibuba O amato, pa chuba kümdaktsütsü teyari tulu pa nem agütsü. 11Ibai chuba temeranger yongsük lir: Hakmon nunger Yashobeam, asem rongnungji tongtiba; pai pei nü mekang aser mapang ka nung pai noklang asem tepset. 12Tashi tulu nisung asem rongnung pa den atongba Aho nunger Dodo chir Eleazar liasü. 13Pas-dammin nung pa Dawid den Filistia nunger yangji tongbang adenshia alidang yangji ali tila ka barley tsük agi sünga liasü, aser nisungtemi Filistia nunger nungi ajen. 14Saka pai alu tiyong nungji noktak, aser aji noktang, aser Filistia nunger tepset; aser Kibubai takok tulu agi parnok kümzük.

15Kodang Filistia nunger temeranger telok Refaim nung anena liasü, tanishir nisung semer rongnungi nisung asem Adullam lungpok nung Dawid dangi lung jagi alu. 16Idangji Dawid mitsa nung ali; aser idangji Filistia nunger telokji Bethlehem nung liasü. 17Dawidi menungra-a ashi, “Süngkhüm anasa aliba Bethlehem tzübu nungi kü nem tajemtsü tzü kari agütsülasang!” 18Idangji item tashi tait nisung asemi Filistia nunger tanendak nungpoka ai, aser süngkhüm anasa aliba Bethlehem tzübu nungi tzü tatet, aser aji Dawid dangi bener aru. Saka Dawidi aji majem; pai aji Kibuba nem shiloktsü, 19aser ashi, “Kü Tsüngrem madang ni ya inyaktsübo maremtetka. Item nisung takümtzü ni ajemtsüa ma?” Kechiyong parnok taküm bendanga agüja aji bena aru. 20Tang Abishai, Yoab tenu asem rongnungji tongtiba liasü. Aser pai noklang asem anema pei nü mekang aser parnok tepset, aser asem amaji khonang bena aru. 21Semer rongnungji pa nüngtugutiba liasü, aser parnok walunir aküm; saka pai asemjibo matong.

22Yehoiada chir Benaiaji Kabzeel nung tasü tait nisung mapa tulu inyaker ka liasü; Moab nung pai Ariel chir ana tepset. Ano pai rürjeb la-a alidang kangla nung molusongzü ka tepset. 23Pai Ijip nunger aso tulu, süklep pungu talang nisung ka tepset. Ijip nungbaji pa ket nung nü ka sütaker alem amai ka liasü; saka Benaia pa dangi mechi ka bener alu, aser Ijip nungba ket nungi nüji ajepzükadok, aser pa nü agi pa tsüngset. 24Item mapai Yehoiada chir Benaiai inyak, aser tashi tulu asem amaji khonang bena aru. 25Pa semer rongnungji nüngtugutiba liasü, saka pai asemjibo matong. Aser Dawidi tanüker madak pa yutsü.

26Temeranger teloktem nung tashi tulu nisungtemji Yoab adianu Asahel, Bethlehem nungi Dodo chir Elhanan. 27Haror nunger Shammort, Pelon nunger Helez, 28Tekoa nungi Ikkes chir Ira, Anathot nunger Abiezer, 29Hushat nunger Shibbekai; Aho nunger Ilai, 30Netofat nunger Maharai, Netofaha nunger Baanha chir Heled, 31Benjamin nunger, Gibea nungi Ribai chir Ithai, Pirathon nungi Benaia, 32Gaash nung ayongtem nungi Hurai, Arbat nunger Abiel, 33Baharum nunger Azmavet, Shaalbon nunger Eliahba, 34Gizon nunger Hashem, Harar nunger Saker chir Yonathan, 35Harar nunger Sakar chir Abhim, Ur chir Elifal. 36Mekarat nunger Hefer, Pelon nunger Ahija, 37Karmel nunger Hezro, Ezbai chir Naarai, 38Nathan adianu Yoel, Hageri chir Mibhar, 39Ammon nunger Zelek, Berot nunger Naharai, Zeruia chir Yoab nok-nü abensang, 40Ith nunger Ira, Ith nunger Gareb, 41Het nunger Uria, Ahlai chir Zabad, 42Reuben nunger Shiza chir Adina, Reuben nunger tanishir ka, aser pa den semer, 43Maaka chir Hana, aser Mithni nunger Yoshafat, 44Ashterat nunger Uzzia, Aroer nunger Hotham chir Shama aser Yehiel, 45Shimri chir Yediael, aser pa adianu Yoha, Tiz nunger, 46Mahavi nunger Eliel, Yeribai, aser Yoshavia, Elnaam chirtem, aser Moab nunger Ithma, 47Eliel, Obed aser Mesoba nunger Yashiel.

1 PUTIPUYANG 12

Benjamin Kidong Nungi Dawid Dangi Arurtem

(1 Sa. 22.1-2)

1Tang Kis chir Saul alibayong Dawid sadema mesenzüteti alidang, Ziklag nung Dawid dangi item nisung aru; aser parnoki rara nung pa yarir tashi tulu nisung rongnungi liasü. 2Parnok lijak amshir nisung, aser lijakjang aser lung lijak tajichi mesüra tabelen teka agi yokteta liasü; parnok Benjamin nunger Saul sosem liasü. 3Tongtibaji Ahiezer, iba sülen Yoas, anaprong Gibea nung Shema chirtem; ano Azmavet chirtem Yeziel aser Pelet: Beraka, Anathot nunger Yehu, 4Gibeon nunger Ishmaia, semer rongnung tashi tulu nisung ka, aser semer madakji tanishir; Yerimia, Yahaziel, Yohanan, Gederat nunger Yosabad, 5Eluzai, Yerimot, Bealia, Shemaria, Haruf nunger Shefatia; 6Elkana, Yesia, Azarel, Yoezer, aser Yashobeam, Kor nunger; 7aser Gedor nungi Yeroboam chirtem Yoela aser Zebadia.

8Gad nunger tashi tulu aser nokinketer, jong aser nü nung mongin, shirnok tejak molusongzü ama liasü, aser shirnok tenem nung shio ama tekara, parnok Dawid dangi arem nung mitsa leni ao. 9Tongtibaji Ezer, tanabubaji Obadia, tasembubaji Eliab, 10Pezübubaji Mishmanna, pungububaji Yerimia, 11trokbubaji Attai, tenetbubaji Eliel, 12tibubaji Yohanan, tukububaji Elzabad, 13terbubaji Yerimia, terkabubaji Makbannai, 14itemji Gad chirtem temeranger telok arkotongtem liasü, tekübok purji noklang madak aser temaba purji meyi madak. 15Parnoki mezüngbuba ita nung Yordan iba tzüküm moshia yima alidang ajang, aser lenten nung alir ajak anüdoklen aser anüoleni jenshidaktsü.

Yihuda Nungi Benjamin Kidong Aruba

16Benjamin aser Yihuda nisungtem kar Dawid mitsa jagi aru. 17Dawidi parnok nguyui adok aser parnok dang ashi, “Nenok kü den tembar küma ni yaritsü aru süra, kü mulungjang nenok den ka akümtsü; saka kü ket nung tamajung meliaka, kü anemertem dang ni ashioktsütsü aru süra, idangjibo asen tsürabur Tsüngremi reprangtsü aser nenok arüjang.” 18Idangji semer madak tongtiba Amasai dangi Tanela aru, aser pai ashi.

Onok ne meyong, Oh Dawid,

Aser ne den lir, Oh Yesse chir!

Ne dangi yimjung, yimjung,

Aser pa yarirtem dangi yimjung!

Kechiyong ne Tsüngremi na yarir.

Idangji Dawidi parnok agizük aser pa temeranger lokti madak parnok tanishir kümdaktsü.

19Manase nisung kar a Dawid Filistia nunger den Saul anema tongbangi arudang toktsür Dawid dangi aru. Aji saka pai parnok meyari. Kechiyong Filistia nunger kiburtemi bangjemteper pa yokadok, aser ashi, “Asen tanishir lendongi aitsüsa pai pei kibur Saul dangi oadoktsü.” 20Pa Ziklagi aodang Manase nisung itemi pa dangi jena aru: Adna, Yazabad, Yediael, Maikal, Yozabad, Elihu, aser Zillethai, Manase nunger meyi madak arkotongtem. 21Yimaker telok anema parnoki Dawid yari. Kechiyong parnok ajak tashi tulu nisung tasü tait liasü, aser temeranger telok nung arkotongtem liasü. 22Kechiyong anogodok shia Dawid dangi nisungtem, temeranger telok tulu ka, Tsüngrem temeranger telok ama maküm tashi arujen aru.

Dawider Temerangertem

23 Kibuba O ama, Dawid nem Saul yimli agütsütsü asoshi Hebron nung Dawid dangi arurtem, raratsü asoshi renema alir tongtipurtemji ya lir. 24Yihuda chirtem jong aser nü abener meyi trok ser noklang ti, raratsü terenem liasü. 25Simeon chirtem nungi tashi tulu nisung tashi taiter, raratsü asoshi meyi tenet aser noklang ka. 26Levi chirtem meyi pezü ser noklang trok, 27aser Aron kidong nungi Yehoiadaji tanishir liasü, aser pa den meyi asem ser noklang tenet liasü, 28Zadok, asangur ka tasü tait tashi tulu aser par kinunger nungi arkotong metsür ana. 29Benjamin nunger Saul sosem, meyi asem, shirnok rongnung timbai tang tashi Saul kidong nung dena aru. 30Efraim nunger meyi metsü noklang ti, tashi tulu tasü tait nisungtem, par kinunger rongnung nüngtugu nisungtem. 31Manase tesadang kin nungi meyi ter shirnok arua Dawid chuba kümdaktsütsü tenüng teta liasü. 32Issakar nisungtem, shirnoki mapang indang tangatet aser Israeli kechi inyaktsü tim aji metet, par tongtipur noklang ana, aser par sosem ajak parnok ozüng kübok. 33Zebulun nungi takutet sarir telok meyi tenem. Dawid yaritsü asoshi nükjidong ka agi, tongbang asoshi rara nok o nü, tabensa terenem. 34Naftali nungi arkotong meyi ka, parnok den nisung meyi semer tenet, jong aser nü bener. 35Dan nunger nungi nisung meyi metsürti ser noklang trok, tongbang asoshi terenem. 36Asher nungi tongbang asoshi terenem takutet sarir telok meyi lir. 37Reuben, Gad, aser Yordan atena oa aliba Manase kidong tesadang nungi rara nok o nü tabensa bener nisung meyi noklang ka ser metsü.

38Item ajak sarirtem, tongbang sobutsü tak ta sobur, Israel ajak madak Dawid chuba kümdaktsütsü mulungteter Hebroni aru; yamajisa tanüngba Israel ajak Dawid chuba kümdaktsütsü temulung ka liasü. 39Yangji parnok Dawid den anogo asem, chiyunga jema liasü, kechiyong par adianutemi parnok asoshi renemja liasü. 40Ano parnok kiyongertem, oda Issakar, Zebulun, aser Naftali tashi nungia, gado nung, ut nung, kor aser nashi nung, chiyungtsü talubosa mungozünu amtsük, tsükmenatzü tejep, yi aser totzü, nashi aser san bener aru kechiyong Israel nung tepela liasü.

1 PUTIPUYANG 13

Kiriath-jearim Nungi Ozüng Süngden Bener Aruba

(2 Sa. 6.1-11)

1Dawidi meyi madak aser noklang madak walunir den, oda tanishir shia den o tongtep. 2Israel tanishir ajak dang Dawidi ashi, “Ya nenok dang jungra, aser ya Kibuba asen Tsüngremi mulungba süra, Israel lima ajak nung alir asen adianutem, aser parnok denji putir aser Levi nunger chiyimdak ali akartem dangi, parnok külemi asenok dangi arutsüsa ajakleni osang yokdi. 3Aser asenoki asen Tsüngrem temeshi süngden asen dangi bener arudi; kechiyong Saul tendak asenoki aji senzüka yutsü.” 4Tatenshir ajaki yamaji inyaktsü mulung, kechiyong nisung ajak nükdang mapaji shitak liasü.

5  Anungji Kiriathjearim nungi Tsüngrem süngden bener arutsü asoshi Dawidi Israel ajak Ijip nung Shihor nungi Hamat lenmang tashi atenshidaktsü. 6 Dawid aser Israel ajak Baala, ibaji Yihuda meyong Kiriathjearimi Tsüngrem süngden bener atutsü, koba cherubim temalen mena aliba Kibuba tenüng agi ja-a lir, aji agi atu. 7Parnoki Tsüngrem süngdenji talungtsü tasen ka nung Abinadab kidang nungi aben, aser Uzza aser Ahio nati aji ani. 8Dawid aser Israel ajaki ken agi, tzürang kongki, aser tawaba kongki, asem, laya aser jangzü agi lungsotepa liasü.

9Kodang parnok Kidon nung motsüngnem atem tonga aru, Uzzai süngdenji sottsü pa teka adok, kechiyong nashitemji metsüdak. 10Kibuba ain adokba Uzza anema jangru aser pai pa dak azük kechiaser pai süngden dak pei teka songtok; aser pa yangji Tsüngrem madang asü. 11Dawid ain adok, kechiaser Kibubai Uzza madaki adok; aser tanü tashi iba talidak dangji Perez Uzza ta ajar. 12Aser panüji Dawidi Tsüngrem tsübua liasü, aser pai ashi, “Ni Tsüngrem süngdenji koma kü dangi yimtaki bener arutettsü?” 13Anungji Dawidi temeshi süngdenji kidangi bener Dawid yimti-i mai, saka pila-a Git nunger Obed-edom kidangi bener ao. 14 Tsüngrem süngdenji Obed-edom kibong den par kidang ita asem liasü; aser Kibubai Obed-edom kibong aser pa akaba ajak moatsü.

1 PUTIPUYANG 14

Yirusalem Nung Dawid Mapatem

(2 Sa. 5.11-16)

1Tair chuba Hirami Dawid dangi osang abenertem, aser pa asoshi ki yanglutsü asoshi cedar süng, lung aser süng mistritem yok. 2Dawidi Israel madak pa chuba asütsü Kibubai yanglu, aser pa yimli pei nübur Israel atema merena ajongket ta temulung nung meteta liasü.

3Yirusalem nung Dawidi kinungtsü tali agi, aser Dawid nungi jabaso aser jala tali jakzük. 4Yirusalem nung aliba pa chirtem tenüng ya lir; Shammua, Shobab, Nathan, Solomon, 5Ibhar, Elishua, aser Elpalet. 6Noga, Nefeg, Yafia, 7Elishama, Beeliada, aser Elifelet.

8Kodang Filistia nungeri Israel ajak madak Dawid chuba shimtet ta angashi, Filistia nunger ajak Dawid bushia aru; aser Dawidi aji angashi aser parnok anema ao. 9Tang Filistia nunger arua Refaim lenten amak. 10Aser Dawidi Tsüngrem dang asüngdang, “Ni Filistia nunger anema tudi ni? Parnok nai kü ket nung agütsüdi ma?” Kibubai pa dang ashi, “Tuang, ni parnok ne ket nung agütsütsü.” 11Pa Baal Perazimi atu, aser Dawidi parnok yangji akok; aser Dawidi ashi, “Tzümetsüngi nungbang ama kü ket agi Tsüngremi kü tsükchirtem nungpoktsüogo” Anungji iba linük tenüng Baal Perazim ajar. 12Aser parnoki yangji par tsüngremtemji toktsü, aser Dawidi ozüng agütsü, aser itemji arong.

13Ano Filistia nungeri tanaben lenten nungji amak. 14Kodang Dawidi Tsüngrem dang tanaben asüngdang, Tsüngremi pa dang ashi, “Nai parnok sülen matutsü; meketa tuang; aser balsam süngdongtem tejakleni parnok madangi arung. 15Kodang nai temeranger jajaba ola balsam süngdong kolak nung angashidir, idangji tongbangi oang; kechiyong Tsüngrem nenok jakdang Filistia temeranger telok tepsettsü oa lir.” 16Tsüngremi pa dang melaba ama Dawidi inyak, aser parnoki Filistia nunger temeranger telokji Gibeon nungi Gezer tashi alep. 17Yamaji Dawid nüngsang ayimsünga ao, aser Kibubai kin ajak nem pa tsüngken tsübudaktsü.

1 PUTIPUYANG 15

Ozüng Süngden Bener Aotsü Renemba

1Dawidi pei asoshi Dawid yimti nung ki yanglu, aser Tsüngrem Ozüng Süngden ayudak ka yanglua aji süki agi sübang. 2 Idangji Dawidi ashi, “Levi nunger dak alema shingaia Tsüngrem temeshi süngden mabentsü, kechiyong Kibubai parnokji Tsüngrem süngden abentsü aser teti asoshi pa dang tenzüktsü shimtet.” 3Kibuba süngden, pai teti asoshi renema akadaki bener atutsü asoshi Dawidi Israel ajak Yirusalem nung atenshidaktsü. 4Dawidi Aron chirtem aser Levi nunger külemi atenshidaktsü; 5Kohat chirtem, tongtipur Uriel, aser pa adianu noklang ka ser metsü; 6Merari chirtem, tongtipur Asaia, aser par adianu noklang ana ser metsü, 7Gershom chirtem, tongtipur Yoel, aser par adianu noklang ka ser semer; 8Elizafan chirtem, tongtipur Shemaia, aser par adianu noklang ana; 9Hebron chirtem, tongtipur Eliel, aser par adianu tir; 10Uzziel chirtem, tongtipur Amminadab, aser par adianu noklang ka ser terana.

11Idangji Dawidi Zadok aser Abiathar putirtem, aser Levi nunger Uriel, Asaia, Yoel, Shemaia, Eliel, aser Amminadab aja, 12Parnok dang ashi, “Levi kinunger tanishirtemji nenok lir; oda Kibuba, Israel Tsüngrem süngdenji, ni iba asoshi renemja alidaki nenoki bener atutettsüsa, nenok sasa, nenok aser nenok adianutem meshiteta liang. 13Nenoki mezüngben aji mabenbayong, Kibuba asen Tsüngremi asen madaki anir adok, kechiaser asenoki yimsü ozüng amato anebalu masü.” 14Anungji putirtem aser Levitemi Kibuba, Israel Tsüngrem temeshi süngden bener atutsü parnok sasa meshitet. 15 Aser Kibuba O amato Mosai melaba ama Levitemi Tsüngrem süngdenji parnok tapubang nung süngra agi aben.

16Ano Dawidi Levi nunger tongtipur dang, tepela ola adoktsü, tzürang kongki, tawaba kongki, laya ola tulu adoka ken atentsü pur parnok adianutem shimtettsü mela. 17Anungji Levitemi Yoel chir Heman aser pa adianu Berekia chir Asaf shimtet; aser pa adianu Merari chirtem, Kushiai chir Ethan; 18aser parnok den par adianu tanabubaren, Zekaria, Yaaziel, Shemiramot, Yahiel, Unni, Eliab, Benaia, Maaseia, Mattithia, Elifeli, Miknaia, aser kishinüker Obed-edom aser Yeiel. 19Ken tener Heman, Asaf, aser Ethan parnoki laya atemtsü; 20Zekaria, Aziel, Shemiramot, Yahiel, Unni, Eliab, Maaseia, aser Benaia, parnoki Almot amaji tzürang kongki atemtsü; 21saka Mattithia, Elifele, Mikneia, Obed-edom, Yeiel, aser Azazia, parnoki Sheminit amaji tawaba kongki agi anitsü. 22Levi nunger rongnung ken tanishir Kenaniai ken anishitsü, kechiyong pai aji angatet. 23Berekia aser Elkana süngden asoshi kiküm anükertem liasü. 24Shebania, Yoshafat, Nethanel, Amasai, Zekaria, Benaia, aser Eliezer, putirtemi Tsüngrem süngden jakdang jangzü aputsü. Obed-edom aser Yehia süngden asoshi kiküm anükertem asütsü.

Ozüng Süngden Yirusalemi Bener Aruba

(2 Sa. 6.12-22)

25Anungji Dawid aser Israel tamburtem, aser meyi madak walunirtem Obed-edom kidang nungi Kibuba tezüngzüktepba süngden bener atutsü pelatepa ao. 26Kibuba tezüngzüktepba süngden bener aor Levi nunger Tsüngremi yari nungji, parnoki nashi pungchi tenet aser san tepung tenet tenla agütsü. 27Dawid sobutsü kümpa sü tanük agi sobua liasü, aser yamaji süngden abener Levi nunger ajak kentenertem, aser ken tener tanishir Kenania sobutsü abena liasü; Dawida kümpa sü putir temeshi sobutsü abener liasü. 28Yamaji Israel ajaki Kibuba tezüngzüktepba süngdenji, tezü, jangzü, aser laya ola madak ayimtena, tzürang kongki aser tawaba kongki ken ola tulu adoka bener adok. 29Kibuba tezüngzüktepba süngdenji Dawid yimti jagi arudang, Saul jala Mikali kichiba nungi repranga yok, aser Dawid chuba tsüngsanga lungsotepa angu; aser lai la mulungjang nung pa sensatsü.

1 PUTIPUYANG 16

1Parnoki Kibuba temeshi süngden bener ait, aser Dawidi iba asoshi yanglua alidak süki telunglen ayu; aser Tsüngrem madang parnoki tarongba tenla aser yimjung tenla agütsü. 2Kodang Dawidi tarongba tenla aser yimjung tenlaji renem, pai Kibuba tenüng nung nüburtem moatsü. 3Israel ajak nem, tebur aser tetsür shia nem amtsük ka ka, aser shimelang tatsükba ka ka, aser tsükmenatzü amtsük ka ka lema agütsü.

Ozüng Süngden Madang Levitem Mapa

4Ano pai Levi nunger kar Kibuba süngden madang tenzüktsü, tepela sayutsü, aser Kibuba Israel Tsüngrem asangtsü shimtet. 5Tongtibaji Asaf, aser pa den atongbaji Zekaria, Yeiel, Shemiramot, Yehiel, Mattithia, Eliab, Benaia, Obed-edom, aser Yeiel, item tzürang kongki aser tawaba kongki atemertem, Asafi laya atemtsü, 6aser putir Benaia aser Yahazieli maneni Tsüngremer tezüngzüktepba temeshi süngden madang jangzü aputsü.

Dawidi Tenüngsang Agütsüba Ken

(TKe. 96.1-13; 105.1-15; 106.47-48)

7Panüji Dawidi tamasa Asaf aser pa adianutem dang Kibuba nem tenüngsang agütsüba ken atentsü mela.

8 Kibuba nem tenüngsang agüjang,

pa tenüng nung ja-ang.

Nübur rongnung pa mapatem metetdakjang!

9Pa dang ken tenlokjang, pa dang tenüngsang ken tenang.

Pa tesüngmangtsü mapa ajak shiang!

10Pa temeshi tenüng nung sentsüwangshiang;

shirnoki Kibuba bushir, parnok mulungjang peladakjang.

11 Kibuba aser pa tashi bushiang,

maneni pa tatenba bushiang.

12Pa tesüngmangtsü mapa pai inyakba,

sayatenya pai inyakba,

pai obendang kazüka yokba bilemtetang.

13Oh Pa tenzüker, Israel chirtem,

Yakob chirtem, pa temeshitet purtem!

14Pa asen Tsüngrem Kibubaji lir;

pa obendang alima ajak nung lir.

15Teti asoshi pa tezüngzüktepba,

putu meyirijang asoshi pai melaba o pai mamai lir;

16  Pai Abraham den züngzüktepba,

azüngashia pai Isak dang nangzükba.

17  Koba pai Yakob dang telatet ozüng ama, aser

Israel dang tatem maka tezüngzüktepba ama akangshi,

18Aser ashi, “Nenok nem Kanan lima,

nenok shilem senmangtsü ka ama ni agütsütsü.”

19Kodang parnok yongsük nung ishika liasü,

hau, kanga ishikadang, iba nung aenersa ali,

20Kin ka nungi kin kati, yimli ka nungi

tanga nübur dangi nemzüa liasü,

21  Pai shinga nem parnok mekangshidaktsü,

parnok meji pai chubatem arütsüdakja,

22Ashi, Ni mezüja shimtetba dak tekongshi,

kü ainkartem dak tamajung teinyak.

23 Kibuba dang ken tenang, alima ajak!

Anogodok shia pa tekümtet indang shiang.

24Kin rongnung pa sentsüwangshi metetdakjang,

pa tesüngmangtsü mapatem nübur ajak rongnung!

25Kechiyong tulusangji Kibuba lir, aser kanga asangtsüla,

aser tsüngrem ajak madak pabo tsübutsüla.

26Kechiyong nüburtem tsüngrem ajakji süngyanglutem lir,

saka Kibubai anüngtem yanglu.

27Tetushi aser akhüm tulu pa madang lir;

pa alidak tashi aser tepela lir.

28Oh nütsüng nüburtem, Kibuba nem agüjang,

sentsüwangshi aser tashi Kibuba nem agüjang!

29 Kibuba nem pa tenüng nung

tim sentsüwangshi agüjang;

tenla ka bener arung, aser pa madangi arung,

temeshi sobutsü sobur Kibuba külemang.

30Pa jakdang atentenang alima ajak,

hau, alima akanga noktaka lir, aji marakzütsü!,

31Anüngtemi peladakjang, aser alima peladakjang,

kin rongnung parnok nem shidakjang, “Kibubai chubar!”

32Tzüyim aser idakji aliba ajaki arüdakjang,

moapu, aser iba nung aliba ajak pelatepdakjang!

33Idangji min süngdongtemi tepela agi Kibuba jakdang

ken atentsü, kechiyong alima o bendangtsü pa arur.

34  Kibuba nem tenüngsang agüjang, kechiyong pa tajung lir,

kechiyong pa yimlibilem teti alir.

35Nenoki ano shiang;

Onok kümzükang, Oh ozü tekümtet Tsüngrem,

aser kin rongnungi onok anitenang aser kümzükang,

angji onoki ne temeshi tenüng nem tenüngsang agütsütsü,

aser ne tenüngsang nung sentsüwangshitsü.

36Israel Tsüngrem Kibuba temoatsüba sang,

tatem maka nungi tatem maka tashi!

Idangji nisung ajaki ashi,

“Amen” aser Kibuba asang.

Yirusalem Aser Gibeon Nung Tekülem

37Anungji Dawidi Asaf aser pa adianutem yangji Kibuba tezüngzüktepba temeshi süngden jakdang anogo shia tenüngdaktsü amato maneni süngden jakdang tenzüktsü toktsü; 38aser ano Obed-edom aser pa adianu roker ti; ano Yeduthun chir Obed-edom aser Hosa kishi anükertem liasü.

39Putir Zadok aser pa adianu putirtem Kibuba tekülemdak süki jakdang Gibeon nung aliba tenem tekülemdak toktsü. 40Kibuba ozüng nung zülua aliba koba pai Israel dang mela ajak amaji tarongba tenladak manung maneni anepdang nungi aonung tashi Kibuba nem tarongba tenla agütsütsü pai toktsü. 41Parnok den Heman aser Yeduthun, aser tanüngba shimteta alibatemji aser jangja-a tenüng agüja alirtemji Kibuba nem tenüngsang agütsütsü liasü, kechiyong pa yimlibilem teti alir. 42Heman aser Yeduthun ket nung temeshi ken asoshi ken aser kententsü oset jangzü aser laya liasü. Yeduthun chirtem kishi nung alitsü shimtet.

43  Idangji nisung ajak pei kidangi senshia ao, aser Dawidi pei kibong moatsütsü kidangi shilang.

1 PUTIPUYANG 17

Dawid Dangi Nathan Ainkar Osang

(2 Sa. 7.18-29)

1Tang kodang Dawid pei kidang liasü, Dawidi ainkar Nathan dang ashi, “Ajiang, ni cedar süng ki nung alir, saka Kibuba tezüngzüktepba süngdenbo süki nung lir.” 2Nathani Dawid dang ashi, “Ne mulungjang nung kechi ali ajak inyakang, kechiyong Tsüngrem ne den lir.”

3Saka paonungjisa Kibuba O Nathan dangi aru, 4Oang aser kü tenzüker Dawid dang shiang, Yamai Kibubai ashir, “Nai kü nem talitsü ki meyanglutsütsüla, 5kechiyong ni Israel anitetba anogo nungi tanü tashi ni ki nung malir, saka ni süki ka nungi süki kati aser talidak ka nungi talidak ka tashi ni senzüogo. 6Ni kongsa Israel ajak den jaja ajakleni ni Israel o bendangertem, shirnok dang kü nübur san anüktsü ni mela, parnok dang, kechiba nenoki kü nem cedar süng agi ki ka meyanglutsür ta ni jembi ama?

7“Tang anungji yamai nai kü tenzüker Dawid dang shiang, Temeranger Kibubai yamai ashir, Ni na chiyimdak nungi san sülen anidakba nungi kü nübur Israel madak tanishir asütsü ania aruogo. 8Aser kolenisa na ao, ni ne den dena liasü, aser ne jakdang tsükchir ajak leptoktsüogo; aser ni na asoshi alima nung tulurtem tenüng mesüka tenüng ka adokdaktsütsü. 9Aser kü nübur Israel asoshi ni alinük ka shimtsü, aser parnok pei talidak litettsü aser joko maenshitsüsa ni parnok atemtsü. 10Aser kü nübur madak ni obendanger shimtetba mapang nungi mezüng amato joko tamajungba chirtemi parnok makoksadaktsütsü; aser ni ne tsükchir ajak tekübok ayutsü. Iba dak alaka Kibubai ne nem ki ka yanglutsütsü ta ni ne dang metetdaktsür. 11Nebu nunger den alitsü kodang ne anogo adokdir, ne sülen ni ne chir adokdaktsütsü, ne chir rongnung ka, aser ni pa yimli amentetdaktsütsü. 12Pai kü nem ki ka yanglutsütsü, aser ni pa chuba menden teti asoshi amentetdaktsütsü. 13 Ni pa tebu asütsü aser pa kü chir alitsü; aser ne dang tama shiba liasü pa dang nungi ni bener aoba amato ni pa nungi yimlibilem kecha bener maotsü, 14saka ni kü kidang aser kü yimli nung teti asoshi pa akangshidaktsütsü aser pa chuba menden teti asoshi yanglutsütsü.” 15Item o ajak, aser iba mangdang ajak Nathani Dawid den jembi.

Dawidi Tenüngsang Agütsüba Ken

16Idangji Dawid chuba ai aser Kibuba jakdang amen, aser ashi, “Oh Kibuba Tsüngrem, nai ni papigati anir arutsüba ya nia aser kinungera kechiaka? 17Oh Tsüngrem, ibai ne nükdangbo tila ka liasü; saka nai ano ne tenzüker kibong indang tarutsü mapang talang lia jembiogo, aser kü nem tarutsü pututem sayuogo, Oh Kibuba chuba! 18Ne tenzüker tushiba asoshi ne dang Dawidi ano kechi ashitsü akoktsü? Kechiyong nai ne tenzüker meteter. 19Ne tenzüker meji, Oh Kibuba aser na pei mulungjang ama, item mapa tulu ajak metetdaktsütsü nai iba mapa tulu inyak. 20Na mesüka shinga mali, Oh Kibuba, onok tenarong agi angashiba ajak agi na alema Tsüngrem mali. 21Ne nübur Israel, shir dangi pei nübur asütsü Tsüngremi alangtsü ao, nai Ijip nungi shirnok alangzük parnok jakdang kintem aridokba agi, ne sasa tenüng tulu aser tetsübutsü kümdaktsü, parnok mesüka alima nung kechi kin lir? 22Aser nai ne nübur Israel teti asoshi ne nübur asütsü kümdaktsü; aser na Oh Kibuba, parnok Tsüngrem aküm.”

23“Tang, Oh Kibuba, nai ne tenzüker indang aser par kibong indang jembiba oji teti asoshi lidakjangma, aser nai jembiba ama inyakangma. 24Aser ne tenüng teti asoshi amentetdaktsütsü aser uludakja ashitsü, Temeranger Kibuba Israel Tsüngremji, Israel Tsüngrem lir, aser ne tenzüker Dawid kin ne jakdang amenteta alitsü. 25Kechiyong na, kü Tsüngrem, ne tenzüker dang pa asoshi ki ka amentetdaktsütsü ta jungkai adokdaktsüogo; anungji ne tenzükeri ne madang sarasademtsü tasü aiter.

26“Tang, Oh Kibuba, na Tsüngrem lir, aser nai iba mapang tajung ne tenzüker dang nangzükogo; 27aser tang ne madang teti asoshi maneni litettsüsa, yimlibilema ne tenzüker kibong moajangma; kechiyong Oh Kibuba, nai kechi moatsü aji teti asoshi moatsüogo.”

1 PUTIPUYANG 18

Dawidi Takok Anguba

(2 Sa. 8.1-18)

1Iba sülen Dawidi Filistia nunger akok aser parnok pa kübok ayu, aser pai Gat aser iba yimtsüngtem Filistia nunger ket nungi agi. 2Ano pai Moab akok, aser Moab nunger Dawid tenzükertem aküm aser putisü bener arua agütsü. 3Ano Dawidi Hadadezer, Zoba chuba Hamat tsütsü aliba, Eufrata nung pai pei nüngshi noksa ayutsü aodang akok. 4Dawidi pa nungi talungtsü meyi ka, kor temeranger meyi tenet, aser tetsüng temeranger meyi metsü agi; aser Dawidi talungtsü kor ajak tepi tezü lepzüka yok saka talungtsü noklang ka asoshi teperi toktsü.

5Kodang Siria nunger Damaska nungi Zoba chuba Hadadezer yaritsü aru, Dawidi Siria nunger nisung meyi metsür ana tepset. 6Idangji Dawidi Siria nung aliba Damaska nung temeranger miter telok toktsü; aser Siria nunger Dawid tenzükertem aküm, aser putisü bener arutsü. Kibubai Dawid nem pa aolen ajak nung takok agütsü. 7Hadadezer tenzükertemi abenba hon jongtemji Dawidi agi, aser itemji Yirusalemi bener aru. 8Aser Hadadezer yimtitem Tibbat aser Kun nungi, Dawid yongmenyin tzüyim aser tongshitem aser yongmenyin marok-enrok yanglu.

9Kodang Hamat chuba Toui Zoba chuba Hadadezer temeranger telok ajonga Dawidi kokogo ta angashi, 10pai par chir Hadoram Dawid chuba dangi, pa nem salem agütsütsü aser takok tenüngsang agütsütsü yok, kechiaser pai Hadadezer anema rara aser pa akok; kechiaser Hadadezer aiben Tou den rara liasü. Aser pai hon, taribi, aser yongmenyin oset, tapu ajak yok. 11Itemia ano Dawid chubai Kibuba nem bendanga agütsü, pai kin ajak nungi, Edom, Moab, Ammon, Filistia, aser Amalek nungi pai bener arua aliba hon aser taribi den külemi agütsü.

12  Zeruia chir Abishai-i Metsü Lenten nung Edom nunger meyi terti tepset. 13Pai Edom nung miter temeranger telok ayu; aser Edom nunger ajak Dawid tenzüker aküm. Aser Kibubai Dawid nem pa aolen ajak nung takok agütsü.

Dawider Ketdangpurtem

(2 Sa. 8.15-18)

14Anungji Dawidi Israel ajak madak chuba; aser pai ochi o bendang aser nisung ajak madang kasasa benshi. 15Zeruia chir Yoab temeranger telok madak liasü; aser Ahilud chir Yehoshafat tezülur liasü; 16Ahitub chir Zadok aser Abiathar chir Abimelek putirtem liasü; Shavsha tezülur liasü; 17Yehoiada chir Benaia Keret nunger aser Pelet nunger madak liasü: aser Dawid chirtem chuba mapa nung tongtipur liasü.

1 PUTIPUYANG 19

Dawid Otongdartem Mezüngmeshiba

(2 Sa. 10.1-5)

1Tang Ammon nunger chuba Nahas sür külen, par chiri pa melen chuba. 2Dawidi ashi, “Nahas chir Hanun dangi ni temulung agüja benshitsü, kechiaser tebui kü dang temulung agüja benshi.” Anungji Dawidi pa süngzükdaktsütsü tenyartem yok. Dawid tenzükertem pa süngzükdaktsütsü Ammon nunger lima nung Hanun dangi aru. 3Saka Ammon nunger tamburtemi Hanun dang ashi, “Dawidi ne dangi tesünepdaktsür yokba jagi pai nebu akhüm tsübur ta nai bilemer asü? Par tenzükertemi na laodaktsütsü aser linük lazüktsü atema ne dangi maru no?” 4Anungji Hanuni Dawid tenzükertem ania aru, aser parnok ku südoktsü, aser parnok süoshi tiyong nung, parnok techimi tashi rangtoktsü, aser parnok yokadok. 5Kodang Dawid dang nisungtem indang metetdaktsü, pai parnok lenji yok, kechiaser nisungtemji kanga maksüa liasü. Aser chubai ashi, “Nenok bangsemo madok tashi Yeriko nung liang, ajiser meyipa arung.”

Ammon Nunger Den Raraba

(2 Sa. 10.6-12)

6Kodang Ammon nungeri parnok sasa Dawid madang tetsüng metsütsüsa inyak ta ajitet, Ammon nunger Hanuni, Mesopotamia, Aram-maaka, aser Zoba nungi talungtsü aser kor temerangertem alia amshitsü taribi seret semermer touzük meyi ka yok. 7Parnok talungtsü meyi semer ana aser Maaka chubai par temeranger telok atema taa agütsü, shibai arua Medeba madang arü amendak yanglu. Ammon nunger parnok yimtitem nungi aniten aser tongbangi aru. 8Kodang Dawidi aji angashi, pai Yoab aser temeranger temeranger telok ajak yok. 9Ammon nunger adoka yimti amungdang taren sena noktak, aser chubatem shirnok arua ali parnok balaka moapu nung liasü.

10Kodang Yoabi tongbangji pa anema tejaklen aser tesülen lir ta angu, pai Israel nisung takutet kar shimtet, aser Siria nunger anema tongbang noktakdaktsü. 11Tanüngba pa nisungtemji tenu Abishai kübok pai yutsü, aser parnok Ammon nunger anema tongbang noktak. 12Aser pai ashi, “Siria nungerji ni asoshi onsara tashi itra idangji nai ni yaritsü; saka Ammon nunger na asoshi onsara tashi itra, idangji ni na yaritsü. 13Tasü itang, aser nübur asoshi aser asen Tsüngrem yimtitem asoshi asenoki teburchi kümdi; aser Kibubai pa tsüngdang kechi ajung aji inyakangma.” 14Idangji Yoab aser pa den aliba nisungtemi Siria nunger anasa tongbang raratsü aru; aser parnok pa madang ajen. 15Kodang Ammon nungeri Siria nunger ajenba ajitet, parnoki yamaji Yoab tenu Abishai madang nungi ajen, aser yimti jagi ai. Idangji Yoab Yirusalemi aru.”

Tsükchir Madak Takok Anguba

(2 Sa. 10.13-19)

16Saka kodang Siria nungeri parnok Israel nunger nem kokdaktsü ta ajitet, parnoki osang benertem yok aser Siria nunger shirnoki Eufrata atena oa ali, Hadadezer temeranger telok walunir Shofak, parnok madak kibur sür adok. 17Kodang aji Dawid dang metetdaktsü, pai Israel ajak külemi aniten aser Yordan ajanga oa parnok anema temeranger telok atsüten. Kodang Dawidi Siria nunger anema tongbang noktak, parnoki pa anema rara. 18Saka Siria nungeri Israel madang nungi ajen; aser Dawidi Siria nunger talungtsü meyi tenet, tetsüng temeranger meyi lir, aser ano temeranger telok walunir Shofat tepset. 19Kodang Hadadezer tenzükertemi parnok Israel nunger nem kokdaktsü ta ajitet, parnoki Dawid den yimjung yanglu, aser pa jamir aküm. Anungji joko Siria nungeri Ammon nunger yaritsü mulunga maliasü.

1 PUTIPUYANG 20

Dawidi Rabba Amakba

(2 Sa. 12.26-31)

1  Chubatem tongbangi aoba mapang, metsü tsüngkhüm nung, Yoabi temeranger telok anir ao, aser Ammon nunger linük amak, aser arua Rabba lungbang. Saka Dawid Yirusalem nung ali. Aser Yoabi Rabba akok, aser aji atsüngdok. 2Dawidi parnok chuba korang parnok kolak nungi agi; pai aji odangba hon seret semer ozükba ka angu, aser iba nung senti lung liasü; aser aji Dawid kolak nung sema liasü. Aser pai yimti terakzükba oset jenti bener adok. 3Aser iba nung alirtem pai anir adok, aser süngrangtsü aser merang taju aser po amshia mapa inyakdaktsü; aser yamaji Dawidi Ammon nunger yimtitem dang inyak. Ajiser Dawid aser nisung ajak Yirusalemi meyipa ao.

Filistia Nunger Den Raraba

(2 Sa. 21.15-22)

4Iba sülen Filistia nunger den Gezer nung rara adok; idangji Hushat nunger Sibekai, aso tulutem nungi jakzükba ka, Sippai tepset; aser Filistia nunger pa kübok ayu. 5 Aser ano Filistia nunger den rara liasü; aser Git nunger Goliat, shiba nüdong sütaker alem ama liasü, tenu Lahmiji Jair chir Elhanani tepset. 6Ano Gat nung rara liasü, yangji asoajen tulu ka liasü, shiba teka shia nung temeyong trokrok liasü, aser tetsüng shia nung temesüla trokrok liasü, ajak agi metsür pezü; aser ano pa aso tulu nungi jakzükba liasü. 7Kodang pai Israel anema apuso, Dawid tenu Shimea jabaso Yonathani pa tepset. 8Itemi Gat nung aso tulutem nungi jakzükba liasü; aser parnok Dawid ket nung aser pa tenzükertem ket nung lao.

1 PUTIPUYANG 21

Dawidi Nütsüng Yongsük Züngdangba

(2 Sa. 24.1-15)

1Israel anema Satani noktak, aser Israel yongzük züngdangtsü Dawid ajioktsü. 2Anungji Dawidi Yoab aser temeranger tanishir dang ashi, “Oang, Beersheba nungi Dan tashi Israel züngdangang, aser parnok yongsük metettsü kü dangi osang bener arung.” 3Saka Yoabi ashi, “Kibubai pei nübur dang parnok kwi ali paikaji noklangben renlokjangma! Kü kibur chuba, parnok ajakji kü kibur tenzüker masü no? Ajangla kechiba kü kibur ya tenüngdaktsü? Kechiba pai Israel dangi tai bena arutsü?” 4Saka Yoabi chuba o makok. Anungji Yoabi pila-a oa Israel ajak sema ao, aser Yirusalemi meyipa aru. 5Aser Yoabi nisung yongsük bendenba Dawid nem agütsü. Israel ajak nung nok amertem tebur million ka meyi noklang ka, aser Yihuda nung nok amer meyi noklang pezü ser neter liasü. 6Saka pai Levi aser Benjaminbo yongsük makuk, kechiaser chubar temelabaji Yoabi maginüi liasü.

Tashitak Wara

7Saka iba mapa agi Tsüngrem mepelai liasü, aser pai Israel dak azük. 8Dawidi Tsüngrem dang ashi, “Ni iba mapa inyakba agi temenen benshiogo; ni ne dang mepishir, ne tenzüker tai menaba bener oadokangma; kechiyong ni kanga tamashi inyakogo.” 9Kibubai Dawid ainkar Gad dang jembia ashi, 10“Oang aser Dawid dang shiang, ‘Yamai Kibubai ashir, ni ne nem asemsü agütsür; item rongnung ka shimtetang, angji ni ne dang inyaktsü.’ 11Anungji Gad Dawid dangi arua pa dang ashi, ‘Yamai Kibubai ashir, Koba nai aginür shimang; 12küm asem ayawara mesüra ne tsükchir nok nungi jenshia, ita asem ne tsükchir ajanga teraksa adokdaktsütsü, mesüra anogo asem Kibuba nok, linük nung tashitak wara, aser Kibuba tenyari Israel litsü ajak nung samatsütsüba süshia; tang shibai ni yok pa dangi ni kechi telangzüba abentsü lemtetang.’ 13Idangji Dawidi Gad dang ashi. ‘Ni tejashi tulu nung lir; Kibuba ket nungang ni tsükdakjang, kechiyong pa taochi kanga tulu; saka ni nisung ket nungbo tetsükdaktsüma.”

14Anungji Kibubai Israel madak tashitak wara yok; aser yangji Israel nunger meyi neter lao. 15Tsüngrem tenyar Yirusalem samatsütsü yok, saka kodang pai aji samatsütsü liasü, Kibubai angu, aser tamajung nungi pai temulung meyip; aser pai tesamatsüba tenyar dangji ashi, “Ojang süang; tang ne teka sotang.” Aser Kibuba tenyarji Yebus nunger Arauna motsüngnem anasa noktaka liasü. 16Aser Dawid pei tenük temaleni repranga yok nung Kibuba tenyarji alima aser anüng tsüngda nung noktaka angu, aser pa teka nung nok ka Yirusalem madak mekanga angu. Idangji Dawid aser tamburtem anem sü abener tejak mejiok. 17Dawidi Tsüngrem dang ashi, “Nisung züngdangtsü ni temelaba magütsü no? Shibai temenen mena aser kanga mejungi inyak aji ni lir, saka item santem, parnoki kechi inyak? Oh Kibuba kü Tsüngrem, ni ne dang mepishir, ne teka ni anema aser kübur ki anema sangma; saka ne nübur madak temerenshi telidaktsüma.”

Tenladak Sabang Aser Tarongba Tenla

(2 Sa. 24.18-25)

18Idangji Kibuba tenyari Gad dang Dawidi Kibuba dangi Yebus nunger Arauna motsüngnemi tua tenladak ka yangluang aser ajagi tuang ta Dawid dang ashitsü mela. 19Anungji Kibuba tenüng nung Gadi jembiba o nungji Dawidi atu. 20Tang Arauna wheat tsük netya liasü; pai meyip aser tenyarji angu, aser pa den aliba jabaso pezüji parnok sasa atsükadok. 21Dawid Arauna dangi aru nung, Arauni reprang aser Dawid angu aser motsüngnem nungi tugu, aser pa tejak alilen shir Dawid nem salem agütsü. 22Dawidi Arauna dang ashi, “Kibuba nem tenladak ka ni yanglutsüsa kü nem iba motsüngnem tesem ka agüjangma, nübur nungi temerenshiji pila-a odaktsütsüsa, iba jenjang shitak agi kü nem aji agüjangma.”

23Idangji Arauna-i Dawid dang ashi, “Agiang; aser kü kibur chubai pa tsüngdang kechi ajung aji inyakangma; ajiang tarongba tenla asoshi nashi, aser süng asoshi tsük atepba süng, aser chiyungtsü tenla asoshi wheat tsük ni agütsür. Ni ajak agütsür.” 24Saka Dawid chubai Arauna dang ashi, “Masü, saka ni aji jenjang shitak agi alitsü; kechi ne meyong lir Kibuba asoshi ni magitsü mesüra ni kecha jenjang makai tarongba tenla magütsütsü.” 25Anungji Dawidi Arauna nem iba asoshiji hon shekel noklang trok ozüka agütsü. 26Yangji Dawidi Kibuba dang tenladak ka yanglu aser tarongba tenla aser yimjung tenla agütsü aser Kibuba dang aja, aser pai tarongba tenladak madak anüng nungi mi agi langzü. 27Idangji Kibubai tenyar dangji mela; aser pai pa nok nokleptsü nung asem.

28Iba mapang nungji, kodang Dawidi Yebus nunger Arauna motsüngmen nung pa dang Kibubai langzü ta angu, pai pa tetepsetba tenla yangji agütsü. 29Kechiyong Kibuba tekülemdak süki koba Mosai arem nung yanglu, aser tarongba tenla tenladakji iba mapang nung Gibeon nung tekülemdak tenem nung liasü; 30saka Dawidi iba madang jagi Tsüngrem dang asüngdangtsü moutet, kechiyong pai Kibuba tenyar tsübua liasü.

1 PUTIPUYANG 22

1Idangji Dawidi ashi, “Yangi Dawid Tsüngrem ki alitsüla aser yangi Israel asoshi tarongba tenla tenladak alitsüla.”

Tenla Ki Yanglutsü Terenemba

2Anungji Israel linük nung alir Bendangertem Dawidi külemi sentepdaktsü, aser Tsüngrem ki yanglutsü asoshi pai lung angenertem lung angenteta renemtsü inyakdaktsü. 3Dawidi ano süngkhüm kishitem asoshi aser temetenteptsü kojal asoshi merang talubosa rizüng, aser yongmenyina seret modangtettsüsa, 4aser cedar süngtsük mezüngdangtettsüsa renemtsü; kechiyong Sidon aser Tair nungeri cedar süng jenti Dawid dangi bener aru. 5Dawidi ashi, “Kü jabaso Solomon asangur aser mapa nung lanu, aser Kibuba asoshi ki yanglutsü alibaji onsara akhüm taket, linük ajak nung nüngtugu aser sentsüwangshi asütsüla; aji asünung ni iba asoshi terenemba akatsü.” Anungji Dawidi pa masüdang oset-tsüset jenti benden.

6  Idangji pai par chir Solomon aja aser Kibuba Israel Tsüngrem asoshi ki ka yanglutsü mela. 7Dawidi Solomon dang ashi, “Kü chir, Kibuba kü Tsüngrem tenüng nung ki ka yanglutsü kü mulung nung liasü. 8Saka Kibuba O kü dangi arua ashi, ‘Nai azü jenti tokshi aser rara tulu raraogo; nai kü tenüng atema ki ka meyanglutsüla; kechiaser nai kü madang azü jenti ali nung tokshitsüogo. 9Ajiang, ne nem jabaso ka sotsütsü; paji yimjung nisung ka asütsü; aser meketa pa tsükchir ajak nungi ni pa nem yimjung agütsütsü; kechiyong pa tenüng Solomon ajatsü, aser ni pa tendak Israel nem yimjung aser tesüngjem agütsütsü. 10Pai kü tenüng asoshi ki ka yanglutsü. Pa kü chir asütsü, aser ni pa tebu asütsü, aser Israel nung ni pa chuba menden teti asoshi yanglutsü.’

11“Tang kü chir, Kibuba ne den liang, aser ne indang jembiba ama, na azükarujang, aser Kibuba ne Tsüngrem ki yangluang. 12Kibubai dang, oda kodang pai ne nem Israel madak anishitsü meladir, nai Kibuba ne Tsüngrem ozüng amshitettsüsa ne nem shisatsü aser tangatetba agüjangma. 13 Nai telatet ozüngtem aser yimsü ozüngtem koba Israel asoshi Kibubai Mosa dang mela aji benshitsü kümdanga lira idangji na azükarutsü. Tashi itang, aser tasü itang. 14Timtem tulu agi Kibuba ki asoshi hon seret semermer tozük meyi noklang ka, taribi seret semermer touzük million ka, yongmenyin aser merang modangtettsüsa bendentsüogo, kechiaser ibaji talubosa lir; süngtsük aser lunga ni bendentsüogo. Item dak nai bendenloktsüla. 15Na mapa inyaker jenti lir; lung angenertem, lung mistritem, süng mistritem, mapa tapu ajak nung tetangshirtem mezüngdangteti lir; 16hon, taribi, yongmenyin aser merang. Aramesoang aser sotakang! Kibuba ne den liang.”

17Dawidi ano Israel tanishir ajak dang par chir Solomon yaritsü mela-a ashi, 18“Kibuba nenok Tsüngrem nenok den mali no? Aser ajaklen pai nenok nem yimjung magütsü no? Kechiyong pai linük alirtem kü ket nung bendanga agütsü; aser Kibuba aser pa nübur madang alinükji mokrema lir. 19Tang Kibuba nenok Tsüngrem bushitsü nenok mulung aser temulungjang nung itang. Aramesoang aser nenok Kibuba Tsüngrem temeshidak yangluang, angji Kibuba temeshi süngden aser Tsüngrem meyong temeshi marok-ausutem Kibuba tenüng asoshi yangluba ki kati bener aita ayutsü akoktsü.”

1 PUTIPUYANG 23

Levi Kidong Mapatem

1Kodang Dawid tambur aser tasa liasü, pai par chir Solomon Israel madak chuba kümdaktsü. 2Dawidi Israel tanishir, aser putir aser Levi nunger ajak atenshidaktsü. 3Levi nungerji küm semer aser temalen züngdang, aser nisung meyi semerti liasü. 4Item rongnung meyi metsür pezübo, Kibuba kidang mapa nung ketdang asütsü, meyi trok yimsüsür aser o bendanger asütsü, 5meyi pezü süngkhüm anüker, aser meyi pezü tenüngsang agütsütsü ta Dawidi ashi. 6Levi chirtem apir Dawidi parnok telok telemsa: Gershon, Kohat aser Merari.

7Gershon chirtemji Ladan aser Shimei. 8Ladan chirtem: Yehiel tongtiba, Zetham, aser Yoel, par asem. 9Shimei chirtem: Shelomot, Haziel, aser Haran, par asem. Itemi Ladan tebou semchir tongtipur liasü. 10Shimei chirtem: Yahat, Zina, Yeus, aser Beria. Item pezüi Shimei chir liasü. 11Yahatji tongtiba liasü, aser Ziza tanabuba; saka Yeus aser Beria jabaso aika maliasü, aji asünung parnok tebou ka semchir ama yongsük nung akuk.

12Kohat chirtem: Amram, Izhar, Hebron, aser Uzziel par pezü. 13 Amram chirtem: Aron aser Mosa. Aron aser par chirtemi Kibuba madang teti asoshi liangmesen arongtsü asoshi, aser pa dang tenzüktsü aser teti asoshi pa tenüng nung temoatsü agütsütsü asoshi, temeshitiba osettem bendanga agütsütsü asoshi Aron pila-a ayu. 14Saka Tsüngrem nisung Mosa chirtembo Levi kin rongnung züngsem. 15Mosa chirtem: Gershom aser Eliezer. 16Gershom chirtem: Shebuel tongtiba. 17Eliezer chirtem: Rahabia tongtiba: Eliezer techir tanga mali asü, saka Rehabia chirtem kanga jenti liasü. 18Izhar chirtem: Shelomit tongtiba. 19Hebron chirtem: Yeria tongtiba, Amaria tatongbuba, Yahaziel tasembuba, aser Yekammeam pezübuba. 20Uzziel chirtem: Mika tongtiba aser Ishia tatongbuba.

21Merari chirtem: Mahli aser Mushi. Mahli chirtem: Eleazar aser Kis. 22Eleazar techir mali asü, saka jalatem dang liasü; aser parnok sosem, Kis chirtemi parnok agi. 23Mushi chirtem: Mahli, Eder, aser Yeremot, par asem.

24Itemi tebou semchir agi Levi chirtem liasü, tebou semchir tongtipur parnok küm metsü tain nungi temalen, pei pei tenüng züluba, Kibuba ki mapa asoshi parnoki inyaktsü liasü. 25Kechiyong Dawidi ashi, “Kibuba Israel Tsüngremi pei nübur nem yimjung agütsü; aser pa Yirusalem nung teti asoshi alir. 26 Joko Levi nunger tekülemdak süki mesüra idakji oset tenzükba kecha mapa atema bener mesenzütsü.” 27Kechiyong Dawid tatembang o agi itemi Levi nunger küm metsü aser temalen yongsük nung liasü. 28 Kechiyong parnok mapaji Aron jabasotem Kibuba kidang mapa asoshi yaritsü, kilempok aser taktangtem anebalutsü, aser kechi temeshi ajakji, aser Tsüngrem kidang tenzükba mapa asoshi merükmejutsü; 29ano Tsüngrem madang ayuba amtsük, chiyungtsü tenla, asoshi amzü, piyazü meinokba amtsük, mesüra amtsük yangluba tenla, totzü den meyoktepba tenla, aser tatakzük aser tasazük ajak nung yariteptsü. 30Aser anepdang shia parnoki Kibuba nem tepela aser tenüngsang agüja, aser aonunga yamaji alitsü. 31Kodangsa tarongba tenlatem amungnü Kibuba nem agütsüdir, ita lanu, aser benjong anogotem, Kibuba madang maneni parnok indang yimsü-ozüng liasü. 32Yamaji parnoki sentep süki aser temeshidak reprangtsü, aser Kibuba kidang mapa asoshi aser parnok adianu Aron jabasotem yaritsü.

1 PUTIPUYANG 24

Putirtem Telemsa

1Aron jabasotem telemsa yamai liasü. Aron jabasotem: Nadab, Abihu, Eleazar, aser Ithamar. 2 Saka Nadab aser Abihu parnok tebu dang tama asü, aser techir maliasü, anungji Eleazar aser Ithamar putirtem aküm. 3Eleazar jabasotem nungi Zadok aser Ithamar jabasotem nungi Ahimelek teyari agi parnok mapa nung teinyaktsü mapa agütsüba amato Dawidi parnok lemsatsü. 4Ithamar jabasotem dang nungi Eleazar jabasotem tanishir teimba asünungji, parnoki Eleazar jabasotem tebou semchir tertroki anir lemsa, aser Ithamar jabasotem nungi ti. 5Parnoki an toktanga, ajak kasasa lemsa, kechiyong Eleazar jabasotem aser Ithamar jabasotem anaprong nung temeshidak tanishrtem aser Tsüngrem tanishirtem liasü. 6Aser Nathanel jabaso Shemaia tezülur. Levi nunger kati, chuba tanishirtem, Zadok putir, Anbiathar jabaso Ahimelek, putirtem tebou semchir tongtipurtem, aser Levi semchir ka Eleazar asoshi agitet aser pa Ithamar asoshi agitet.

7Tang mezüngbuba an toktangba Yehoiarib dak kao, tanabubaji Yedaia; 8tasembuba Harim dak, pezübubaji Seorim dak; 9pungububa Malkija dak, trokbuba Mijamin dak; 10tenetbuba Hakkoz dak, tibuba Abija dak; 11tukububa Yeshua dak, terbuba Shekania; 12terkabuba Eliashib dak, teranabuba Yakim dak; 13terasembuba Huppa dak, terpezübuba Yeshebeab dak; 14terpungububa Bilga dak, tertrokbuba Immer dak; 15tertenetbuba Hezir dak, tertibuba Happizez dak; 16tertukububa Pethahia dak, metsübuba Yehezkhel dak; 17metsür kabuba Yakin dak, metsür anabuba Gamul dak; 18metsür asembuba Delaia dak, metsür pezübuba Maazia dak. 19Kibuba, Israel Tsüngremi parnok tebou Aron dang melaba ama, parnok Kibuba kidangi arutsü yimsü-ozüng agütsüba amato, ibai parnok mapa nung teinyaktsü agütsübaji liasü.

Tanüngba Levi Kidongtem

20Levi jabaso tanüngbatem: Amram jabasotem nungi, Shebael, Shubael jabasotem nungi Yehdeia, 21Rehabia jabasotem nungi tongtiba Isshia. 22Izharit nungi, Shelomot; Shelomot jabasotem nungi Yahat. 23Hebron jabasotem nungi: tongtiba Yeria, tanabuba Amaria, tasembuba Yahaziel, pezübuba Yekameam. 24Uzziel jabasotem, Mika; Mika jabasotem, Shamir. 25Mika adianuji Isshia: Isshia jabasotem, Zekaria, 26Merari jabasotem: Mahli aser Mushi: Yaazia jabaso Beno. 27Merari jabasotem: Yaazia, Beno, Shoham, Zakur, aser Ibri. 28Mahli nungi; Eliazar, pa jabaso maliasü. 29Kis nungi: Kis jabasotem nungi Yerahmeel. 30Aser Mushi jabasotem: Mahli, Eder aser Yerimot. Ya Levi chirtem parnok tebou semchir ren liasü.

31Itemia tebou semchir shia tongtiba aser tenu kasasa, oda parnok adianu Aron jabasotem, Dawid chuba, Zadok, Ahimelek, aser putirtem aser Levi nunger tebou semchir tongtiba tsüngdang amato, an toktang.

1 PUTIPUYANG 25

Tenla Kidang Kentenertem

1Dawid aser mapa tongtipurtemi ano Asaf, Heman, aser Yeduthun jabasotem kar, tawaba kongki, tzürang kongki, laya agi parnoki shintsü balaka ayu. Mapa inyakertem tenüng aser parnok teinyaktsü mapaji: 2Asaf jabasotem: Zakur, Yosef, Nethania, aser Asharela, Asaf jabasotemi Asaf tesayuba kübok, parnoki chuba kübok shin. 3Yeduthun nungi, Yeduthun jabasotem: Gedalia, Zeri, Yeshaia, Shimei, Hashabia, aser Mattithia, par trok; parnok tebu Yeduthun tesayuba kübok, pai tawaba kongki agi Kibuba nem tepela aser tenüngsang agüja shin. 4Heman nungi, Heman jabasotem: Bukkia, Mattania, Uzziel, Shebuel, Yerimot, Hanania, Hanani, Eliatha, Gidalti, aser Romamtiezer, Yoshbekasha, Mallothi, Hothir, Mahaziot. 5Item ajaki chubar ainkar Heman jabasotem. Tsüngremi pa ulutsütsü nangzükba amato liasü, kechiaser Tsüngremi Heman nem jabaso terpezü aser jala asem agütsü.

6Parnok ajak Kibuba kidang tenzüktsü asoshi, laya, tzürang kongki, aser tawaba kongki agi Kibuba kidang ken nung parnok tebu tesayuba kübok liasü. Asaf, Yeduthun, aser Heman parnok chuba ozüng kübok liasü. 7Kibuba dang ken atentsü sayutetba, mongyin pur ajak, par adianutem dena noklang ana tirti. 8Parnok teinyaktsü mapa asoshi, tila aser tulu, tesayur aser tangazüker, kasasa parnoki an toktang.

9Mezüngbuba toktangba nung Asaf asoshi Yosef dangi kao; tanabuba Gedalia, pa dangi aser pa adianutem aser par jabasotem terana; 10asembuba Zakur dangi, par jabasotem aser par adianutem terana; 11Pezübuba Izri dangi, par jabasotem aser par adianutem terana; 12pungububa Nethania dangi, par jabasotem aser par adianutem terana; 13trokbuba Bukkia dangi, par jabasotem aser par adianutem terana; 14tenetbuba Yesharela dangi, par jabasotem aser pa adianutem terana; 15tibuba Yeshaia dangi par jabasotem aser par adianutem terana; 16tukububa Mattania dangi, par jabasotem aser par adianutem terana; terbuba Shimei dangi, par jabasotem aser par adianutem terana; 17terbuba Shimei dangi, par jabasotem aser par adianutem terana; 18terkabuba Azarel dangi, par jabasotem aser par adianutem terana; 19teranabuba Hashabia dangi, par jabasotem aser pa adianutem terana; 20terasembuba Shubael dangi, par jabasotem aser pa adianutem terana; 21terpezübuba Mattithia dangi par jabasotem aser pa adianutem terana; 22terpungububa Yeremot dangi par jabasotem aser par adianutem terana; 23tertrokbuba Hanania dangi par jabasotem aser par adianutem terana; 24tertenetbuba Yoshbekasha dangi par jabasotem aser par adianutem terana; 25tertibuba Hanani dangi par jabasotem aser par adianutem terana; 26tertukububa Malothi dangi par jabasotem aser par adianutem terana; 27metsübuba Eliatha dangi par jabasotem aser par adianutem terana; 28metsür kabuba Hothir dangi par jabasotem aser par adianutem terana; 29metsür anabuba Gidalti dangi par jabasotem aser par adianutem terana; 30metsür asembuba Mahaziot dangi par jabasotem aser par adianutem terana; 31metsür pezübuba Romamti-ezer dangi par jabasotem aser par adianutem terana.

1 PUTIPUYANG 26

Süngkhüm Anükertem

1Süngkhüm anükertem telemsa yamai: Kora nunger nungi, Asaf jabasotem nungi Kore jabaso Meshelemia. 2Aser Meshelemia jabasotem liasü; mezüng asoba Zekaria, tanabubaji Yediael, tasembuba Zebadia, pezübuba Yathniel; 3pungububa Elam, trokbuba Yehohanan, tenetbuba Elieoenai. 4 Obed-edom jabasotem liasü: mezüng asoba Shemaia, tanabuba Yehozabad, tasembuba Yoa, pezübuba Sakar, pungububa Nathanel; 5trokbuba Ammiel, tenetbuba Issakar, tibuba Peullethai, kechiyong Tsüngremi pa moatsü. 6Ano par jabaso Shemaia jabasotem soa liasü shirnok tebu kidong nung yimsüsürtem liasü, kechiaser parnok dak takokba sempet tulu liasü. 7Shemaia jabasotem: Othni, Refael, Obed, aser Elzabad, shirnok adianutem takokba nisung liasü, Elihu aser Semakia. 8Item ajak Obed-edom jabasotem; parnok jabasotem aser adianutem mapa asoshi tajet; Obed-edom nungi roker ana. 9Meshelemia jabasotem aser adianutem liasü, takutet nisung, terti. 10Merari jabasotem nungi, Hosa jabasotem liasü: tongtiba Shimri. “Kechiyong pa mezüng asoba mesüaka tebui pa tongti kümdaktsü;” 11tanabuba Hilkia, tasembuba Tebalia, pezübuba Zekaria; Hasa jabaso aser adianu ajak agi terasem.

12Itemi süngkhüm anükertem telemsa, aser parnok tongti nisungtem teinyaktsü mapatem, oda par adianutemi inyakba ama, Kibuba kidang tenzüka liasü. 13Parnoki tebou semchir agi, tila aser tulu kasasa, süngkhüm shia asoshi an toktang, 14anüdoklen asoshi an toktangba Shelemia dak kao. Parnoki ano par jabaso Zekaria, waindanger shisa tajung agütsür ka asoshi an toktang, aser pa noklem anüdoklentip asoshi adok. 15Anüolentip asoshi Obed-edom adok, aser par jabasotem nem terizüngdak ki lemzüktsü. 16Shuppim aser Hosa asoshi anüolen asoshi adok, Shaleket süngkhüm nung lenmang atulen tanükeri tanüker den tongtepa liasü. 17Anüdoklen anogo shia trok, anüdoklentip nung anogo shia pezü, aser terizüngdak ki nunga anana liasü. 18Anüolen Parbar asoshi lenmang nung pezü aser, Parbar nung ana. 19Itemi Kora nunger aser Merari jabaso rongnung süngkhüm anükertem telemsa liasü.

Terizüngdak Aser Tanga Mapa Inyakertem

20Levi nunger nungi, Ahijai Tsüngrem kidang terizüngdak aser bendanga agütsüba sempettem madak ketdang liasü. 21Ladan jabasotem, Gershon nunger, Ladan tebou semchirtem Yehieli. 22Yehieli jabasotem: Zetham aser tenu Yoel, Kibuba kidang terizüngdak ketdang liasü.

23Amram nunger, Izhar nunger, Hebron nunger, aser Uzziel nunger, 24aser Mosa jabaso Gershom chir Shebuel, terizüngdak ketdangpur tongtiba liasü. 25Pa adianutem: Eliezer nungi par jabaso Rehabia, par chir Yeshaia, par chir Yoram, par chir Zikri, aser par chir Shelomot. 26Iba Shelomot aser pa adianutemji bendanga agütsüba sempettem koba Dawid chubai, aser tebou semchirtemi, aser meyirijang aser noklang madak tanishirtemi, aser temeranger telok tanishirtemi, bendanga agütsüba terizüngdak ajak madak ketdangsüa liasü. 27Tongbang nung makzükba nungi parnoki Kibuba ki tenüngdaktsü asoshi bendanga agütsü. 28Ano tangur Samuel, Kis jabaso Saul, Ner jabaso Abner, aser Zeruia jabaso Yoab parnok bendanga agütsüba sempet ajak Shelomot aser par adianutemi reprang.

Tanüngba Levitem Mapa

29Izhar nunger nungi, Kenania aser par jabasotemi Israel tanga mapa asoshi tanishirtem aser o bendangertem shimtet. 30Hebron nunger nungi, Hashabia aser pa adianutem meyi ka sür noklang tenet tajet nisungtemi Yordan anüolen tsütsü Kibuba mapa ajak asoshi aser chuba mapa tenzüktsü asoshi Israel reprangtsüba liasü. 31Hebron nunger nungi Yerijaji Hebron nunger tebou semchir kidongren nung tongtiba liasü. Dawid chubaba küm lirbuba nung bushitep nung parnok rongnung tashi tulu takokba nisungtem Gilead nung Yazer nung angu. 32Aser par adianutem, tashi tulu nisungtem, meyi ana noklang tenet, tebou semchir tongtipurji Dawidi parnok Reuben nunger aser Gad nunger, aser Manase kidong tesadang madak, Tsüngrem asoshi kechiasarena indang aser chubar mapa asoshi kibur kümdaktsü.

1 PUTIPUYANG 27

Temeranger Telok Telemsa Tanishirtem

1Tang Israel chirtem parnok yongsük agi tebou semchirtem aser meyirijang aser noklang madak arkotongtem, aser parnok oda chuba tenzüker tanishirtem, ita shia küm tepiyong telemsaba nung taruba aser taoba telemsa shia nung meyi metsür pezü liasü.

2Mezüngbuba ita nung mezüngbuba telemsa madak Zabdiel jabaso Yashobeam kibur liasü; pa telemsa nung meyi metsür pezü liasü. 3Pa Perez nungi jakzük, aser mezüngbuba ita asoshi temeranger telok ajak madak arkotong tongtiba liasü. 4Tanabuba ita nung Aho nunger Dodai telemsa madakji kibur liasü; pa telemsa nung meyi metsür pezü liasü. 5Tasembuba arkotong, tasembuba ita asoshi Yehoiada putir jabaso Benaia tongtiba liasü; pa telemsa nung meyi metsür pezü liasü. 6Iba Benaia ya semer rongnung temeranger ka aser semer madak tanishir; par jabaso Ammizabad pa telemsa nungji kibur liasü. 7Yoab tenu Asahelji pezübuba liasü. Pezübuba ita asoshi, aser par jabaso Zebadia pa sülen liasü; pa telemsa nung meyi metsür pezü liasü. 8Ita pungububa asoshi pungububa arkotongji Izra nunger Shamhut liasü; pa telemsa nung meyi metsürpezü liasü. 9Trokbuba ita asoshi, trokbubaji Ira liasü, Tekoa nunger Ikkes jabaso; pa telemsa nung meyi metsür pezü liasü. 10Ita tenetbuba asoshi tenetbubaji Pelon nunger Helez, Efraim jabasotem; pa telemsa nung meyi metsür pezü liasü. 11Tibuba ita asoshi tibubaji Zera nungi, Hushat nunger Shibbekai; pa telemsa nung meyi metsür pezü liasü. 12Ita tukububa asoshi tukububaji Benjamin nungi Anathot nunger Abiezer; pa telemsa nung meyi metsür pezü. 13Terbuba ita asoshi terbubaji Zera nungi, Netofat nunger Maharai; pa telemsa nung meyi metsür pezü liasü. 14Terkabuba ita asoshi terkabubaji Efraim jabasotem nungi, Pirathon nunger Benaia; pa telemsa nung meyi metsür pezü liasü. 15Teranabuba ita asoshi teranabubaji Othniel nungi Netofat nunger Heldai; pa telemsa nung meyi metsür pezü liasü.

Kidong Shia Madak Tanishirtem

16Israel kintem madak, Reuben nunger asoshi Zikri jabaso rongnungi Eliezer tongtiba liasü; Simeon nunger asoshi Maaka jabaso Shefatia; 17Levi asoshi Kemuel jabaso Hashabia; Aron asoshi Zadok; 18Yihuda asoshi Elihu. Dawid adianu rongnung ka; Issakar asoshi Mikael jabaso Omri; 19Zebulun asoshi, Obadia jabaso Ishmaia; Naftali asoshi Azriel jabaso Yeremot; 20Efraim nunger asoshi, Azazia jabaso Hoshea; Manase kin tesadang asoshi, Pedaia jabaso Yoel; 21Gilead nung Manase kin tesadang asoshi Zekaria jabaso Iddo; Benjamin asoshi Abner jabaso Yaasiel; 22Dan asoshi Yeroham jabaso Azarel. Itemi Israel kin tanishirtem liasü. 23Küm metsü tekübokbo Dawidi mezüngdang, kechiyong anüng nung petinu kwi ali paikaji Israel kümdaktsütsü Kibubai nangzük. 24Zeruia jabaso Yoabi züngdangtsü tenzük, saka merenem; aser iba sülenbo Israel madaki terasaba iba asoshi aru, aser yongsükji Dawid chuba putipuyang nung mesükuk.

Chuba Tongti Ketdangsürtem

25Chubar terizüngdak madak Adiel jabaso Azmavet liasü; aser moapu nung terizüngdak, yimtitem nung, aser yimtsüng nung, aser lungki nung, Uzzia jabaso Yonathan liasü. 26Aser ali tusa-a alu ayimertem madak Kelub jabaso Ezri liasü; 27aser tsükmenatzü lu madak Ramat nunger Shimei liasü; aser tsükmenatzü lu nungi adokba yi ayudak madak Shifmi nunger Zabdi. 28Shefela nung Oliv aser mungu süngdongtem madak Geder nunger Baalhanan; aser totzü rizüngdak madak Yoas. 29Sharon nung chiyimdak san telok madak Sharon nunger Shitrai; lenten nung san telok madak Adlai jabaso Shafat. 30Ut madak Ishmael nunger Obil; aser gado asoshi Meronot nunger Yehdeia, nashi telok madak Hagri nunger Yaziz. 31Item ajaki Dawid chubar rongsen madak ketdangpur liasü.

Chubar Shisa Tuyurtem

32Dawid tebu tanubu Yonathan tangateter nisung ka aser tezülur ka, shisa tajung agütsür ka liasü; aser Hakmoni jabaso Yehieli chubar jabasotem reprang. 33Chuba nem shisa tajung agütsübaji Ahithofel liasü, aser Arki nunger Hushai chuba tembar liasü. 34Ahithofelji Benaia jabaso Yehoiadai melen, aser Abiathar, Chuba temeranger telok madak Yoabji walunir liasü.

1 PUTIPUYANG 28

Tenlaki Atema Dawid Tebilemba

1Yirusalem nung Israel tanishir ajak, kintem tanishir, chuba tenzüker telemsa tanishirtem, meyirijang madak arkotong, noklang madak arkotong, chuba aser par jabasotem rongsen aser kiset shiruru telok madak ketdangpur, chuba ki tanishirtem, temeranger nisungtem, aser takutet nokinketertem külemi Dawidi sentepdaktsü. 2 Idangji Dawid chubai aramesoa noktaka ashi, “Kü dang angang, kü adianutem aser kü nüburtem. Ni kü mulung nung Kibuba tezüngzüktepba temeshi süngden ayutsü asoshi, aser asen Tsüngrem tetsüng ajemetdak ki ka yanglutsü bilema liasü; aser ki yanglutsü ni renemja lir. 3Saka Tsüngremi kü dang ashi, ‘Nai kü tenüng asoshi ki ka meyanglutsü, kechiyong na raraba nisung aser azü tokshiogo. 4Aji saka Kibuba Israel Tsüngremi Israel madak teti chuba asütsü kübu ki nungi ni shimtet; kechiaser pai Yihuda kin tanishir shimtet, aser Yihuda kin nung aser kübu kidong aser kübu jabaso rongnungi pai Israel ajak madak chuba asütsü pai kü dak saklok. 5Aser kü jabaso ajak rongnung,” kechiyong Kibubai kü nem jabaso jenti agütsü,” pai kü jabaso Solomon Israel madak Kibuba yimli chuba menden nung amentsü shimtet.’ 6Pai kü dang ashi, ‘Kü ki aser kü o bendangba ki yanglutsübaji ner jabaso Solomon asütsü, kechiaser ni pa kü chir asütsü shimtetogo, aser ni pa tebu asütsü. 7Pai kü temelabatem aser yimsü ozüngtem maneni, tanü amai, benshia lira ni pa yimli teti asoshi yanglutsütsü. 8Tang aji asünung Kibubar mungdang nung, Israel ajak madang, aser asen Tsüngremi angashia, Kibuba nenok Tsüngrem temelabatem ajak benshiang aser bushitetang; angji nenoki iba lima tajung ya agitettsü, aser nenok sülen teti asoshi nenok chirtem nem senmangtsü asoshi agütsütsü.’

9“Aser na, kü chir Solomon, nebu Tsüngrem metetang, aser temulungjang ajonga aser mulungso agi pa tenzükang; kechiaser Kibubai temulungjang ajak bushir, aser tasa aser tebilemba shia angateter. Nai pa bushira nai pa angutsü; saka nai pa sentokra, pai na teti asoshi jentokadoktsü. 10Tang kümdangang, kechiyong temeshidak asoshi ki ya yanglutsü Kibubai na shimtetogo, tashi itang, aser aji inyakang.”

11Idangji Dawidi par chir Solomon nem tenla ki asameyangba, aser iba terizüngdak, iba temaba taktangtem, telung taktangtem, aser taochi menden asoshi taktang asameyangba agütsü. 12Kibuba ki nung obendangdak ki asoshi pa mulung nung aliba asameyang ajak, mekettepa aliba taktangtem, Tsüngrem kidang terizüngdak, aser bendanga agütsüba sempet asoshi terizüngdak; 13putirtem aser Levitem telemsatem asoshi, aser Kibuba kidang tenzükba mapa ajak; Kibuba kidang mapa asoshi marok-ausu ajak asoshi; 14mapa shia asoshi hon chipo-anpo ajak asoshi hon touzük, 15hon milendong aser milentem touzük mapa shia asoshi taribi chipo-anpo touzük, hon touzük milendong shia mapa nung milendongtem shia asoshi tenüngdaktsü yari, 16Tsüngrem madang ayuba amtsük asoshi langbang shia hon touzük, taribi langbang asoshi taribi, 17aser shi atuba chisang chikok asoshi hon temeja, susatem, aser maroktem; hon susatem asoshi aser iba shia touzük; taribi susa aser iba shia touzük; 18temeshitet hon agi yangluba liangmesen tenladak asoshi, aser iba touzük, ano Kibuba tezüngzüktepba temeshi süngden cherubim tashikang sarar nembanga aliba cherubim hon talungtsü asoshi pa asameyang. 19Dawidi ashi, “Item ajak ya inyaktsü asoshi Kibubai inyaktsü angatetdakja züluogo.”

20Idangji Dawidi par chir Solomon dang ashi, “Tashi itang aser tasü itang, aser aji inyakang. Tetsübu, temulung makai teli; kechiaser Kibuba Tsüngrem, oda kü Tsüngrem, ne den lir. Kibuba ki mapa ajak merenem tashi pai na mechioktsü mesüra na mejentoktsü. 21Aser ajiang, Tsüngrem kidang mapa ajak asoshi putirtem aser Levitem telemsa lir; aser ne den mapa ajak nung temulunger nisung shia shiba mapa kar asoshi tetangshir lir pa dena alitsü; ano tanishirtem aser nisung ajak ne temelaba kübok lir.

1 PUTIPUYANG 29

Tenla Ki Asoshi Temulunger Tenla

1Dawid chubai mungdanger ajak dang ashi, “Kü jabaso Solomon shiba Tsüngremi shimteta lir, pa asangur aser shisa lanu, aser mapaji tulu, kechiyong chuba kiji nisung asoshi masü saka Kibuba Tsüngrem asoshi lir. 2Anungji kü Tsüngrem ki asoshi, ni akokba tashibo bendentsüogo, hon oset asoshi hon taribi oset asoshi taribi, yongmenyin asoshi yongmenyin, merang oset asoshi merang, süng oset asoshi süng; iba dak alema oniks aser tamenoktsü lungtem, sentsü tapu tapu, senti lung tapu ajak, aser marbel lung. 3Ano temeshi ki asoshi ni bendenba ajak dak alema, ni kü pei hon aser taribi terizüngdak aliba kü Tsüngrem ki asoshi ne temulung bendanga agütsüba yong ni aji kü Tsüngrem ki asoshi agütsür; 4hon seret semermer ozükba meyi asem, Ofir hon, aser taribi temeshitet seret semermer ozükba meyi tenet, ki jara manung yangloktsü asoshi, 5inyakshir nisungtemi inyaktsü mapa ajak asoshi hon oset asoshi hon, aser taribi oset asoshi taribi. Ajangla shibai mulungbensa pei sasa tanü Kibuba nem bendanga agütsütsü?”

6Idangji tebou semchir tongtipurtemi kidong tanishirtem meyirijang madak aser noklang madak arkotongtem, aser chubar mapa madak tanishirtem parnoki temulunger tenla agütsü. 7Tsüngrem kidang mapa asoshi parnoki seret semermer ozükba meyi pungu aser hon sen meyi ter, seret semermer ozükba taribi meyi ter. Yongmenyin seret semermer ozükba meyi terti aser seret semermer ozükba merang meyi noklang ka. 8Aser shibasa senti lungtem aka Kibuba ki terizüngdak, Gershon nunger Yahiel ket nung itemji agütsü. 9Idangji nisungtemi pelatep kechiaser itemi mulungbensa agütsü, kechiyong temulungjang ajongai mulungsoa Kibuba nem agütsü; aser Dawid chuba kanga dang pela.

Dawidi Tsüngrem Tenüng Asangba

10Aji asünung mungdanger ajak madang Dawidi Kibuba moaja ashi, “Oh Kibuba, ozü tebu Israel Tsüngrem, teti tatem maka na temoatsüba sang. 11Oh Kibuba uluba aser ain, sentsüwangshi, takok, aser akhüm tuluji, ne meyong lir; kechiyong anüng nung aser alima nung aliba ajak ne meyong; Oh Kibuba, yimliji ne meyong, aser ajak madak na tekolak ama ajongketa lir. 12Rongsen aser tetushi na nungi arur, aser nai ajak madak yimsü asür. Ne ket nung ain aser tashi lir; aser tulu kümdaktsütsü aser ajak nem tashi agütsütsü ne ket nung lir. 13Aser tang onoki ne nüng asanger, ozü Tsüngrem, aser ne sentsüwangshi tenüng asanger.

14“Saka yamai mulungbena onoki tenlatettsüsa nia shiba aser kü nüburtema kechiaka? Kechiyong oset ajak na nungi arur, aser ne meyong dang onoki ne nem agütsüogo. 15Kechiyong ozü tsürabur ajak ama onok ne madang aenertem; alima nung ozü arishi akhüm ka ama dang, aser kecha teimlatsü mali. 16Oh, Kibuba ozü Tsüngrem, ne temeshi tenüng asoshi ne nem ki ka yanglutsü jenti onoki bendena akaba ya ajak ne ket nungi aser ajak ne meyong lir. 17Ni metet, kü Tsüngrem, oda nai temulungjang tentanger, aser tindang mulungsentsü nung pelar; kü mulungjang tindang agi item oset ajak mulungbensa agütsüogo; aser yangi aliba ne nüburtemi mulungsoa aser pelashishia ne nem agütsüba ni nguogo. 18Oh, Kibuba, ozü tsürabur Abraham, Isak aser Israel Tsüngrem, teti asoshi nübur sentong aser temulungjang nung tebilembatem iba amai yujangma, aser parnok mulungjang ne tsütsülen yokdakjang. 19Kü chir Solomon nem ne temelabatem, ne kulitem, aser ne telatet ozüng ajak benshia, oda ni renema yutsüba agi pai chuba kiji yanglutettsü tabensa mulungjang agüjangma.”

20Idangji Dawidi mungdanger ajak dang ashi, “Nenok Tsüngrem Kibuba moajang.” Aser mungdanger ajaki parnok tsürabur Tsüngrem moatsü, aser parnok tekolak mechioka Kibuba külem, aser chuba dang akhümtsübu sayu. 21Aser parnoki Kibuba nem tetepsetba tenla agütsü aser tananü Kibuba nem tarongba tenla, nashi pungchi meyi ka, san tepung meyi ka, aser san chanu meyi ka, parnok tajemtsü tenla, aser Israel ajak asoshi tetepsetba tenla jenti agütsü; 22aser iba anogoji parnoki Kibuba madang tepela tulu agi chia-ajem.

Solomon Chuba Shimba

Parnoki Dawid chuba chir Solomon tanaben chuba kümdaktsü, aser parnoki Kibuba asoshi pa tanishir shim, aser Zadok putir kümdaktsü. 23Idangji Solomon tebu Dawid melen Kibuba chuba menden nung chuba ama amen; aser pa azükaru, aser Israel ajaki pa dang anga. 24Tanishir ajak aser tashi tulu nisungtem, aser ano Dawider jabaso ajaki Solomon chuba dang pa süngpu kübok alitsü nangzük. 25Kibubai Israel ajak tsüngdang Solomon kanga uludaktsü, aser pa nem agütsüba ama pa jakdang Israel nung shinga chuba nema chubar akhüm tulu magütsü.

Dawid Yimsüsüba O-mulung

26Yamaji Yesse chir Dawidi Israel ajak madak chuba. 27Pai Israel madak küm lir chuba; Hebron nung pai küm tenet, aser Yirusalem nung küm semerasem chuba. 28Idangji pa kanga sar, arishia lir, rongsen, aser tetushi ngur asü; aser par jabaso Solomon pa melen chuba. 29Tang Dawid chuba mapatem, mezüngbuba aser tesübuba, ajiang tangur Samuel otsü nung, aser ainkar Nathan otsü nung, aser tangur Gad otsü nung; 30pa chubaba ajak indang aser pa tashi, aser pa madak aser Israel madak, aser alima yimli ajak madak atalokba itemji zülua lir.